O Concello de Santiago condenou as pintadas homófobas que apareceron nun dos accesos á capital galega, no barrio de San Lázaro.
Así, o goberno local emitiu un comunicado no que reproba este “atentado contra o espazo público” e, especialmente, condena “todo tipo de expresión homófoba”, como foi o caso.
Segundo explicou a alcaldesa, Goretti Sanmartín, o consistorio local xa se fixo cargo da limpeza da beirarrúa a través de Urbaser e encargou a Aceinsa a retirada das pintadas da señalética.
“Lamentamos este atentado contra o espazo público e condenamos todo tipo de expresión homófoba. Quero lembrar que Compostela é unha cidade diversa, de acollida e na que non hai espazo para comportamentos homófobos, xenófobos nin machistas. Expresamos a nosa firme condena a este tipo de actuacións e de expresións e apelamos a non tolerar estes comportamentos”, resolveu.
