InicioSANTIAGOA Fundación Feuga presentará en Santiago os avances de tres proxectos innovadores...

A Fundación Feuga presentará en Santiago os avances de tres proxectos innovadores no sector agroforestal

As iniciativas, enfocadas na agricultura de precisión, a produtividade micolóxica e a optimización da rega en viñedos, expoñerán os seus resultados nunha xornada técnica

Publicado o

Xornal de Compostela

A Fundación Empresa-Universidade Galega organiza unha xornada en Santiago de Compostela o próximo 29 de outubro para presentar os avances de tres proxectos innovadores no sector forestal e agroalimentario. As iniciativas, denominadas ‘Millopreciso‘, ‘Cogomelos+‘ e ‘Regavid‘, están orientadas a mellorar a xestión en agricultura de precisión, a produción micolóxica en piñeirais e a eficiencia nos sistemas de rega en viñedos.

A xornada incluirá unha exposición dos resultados acadados en cada proxecto ata a data, así como un relatorio sobre instrumentos e iniciativas públicas en innovación agraria, a cargo de Manuel López Luaces, xefe da área de Formación, Innovación e Investigación Agraria de Agacal.

AVANCES EN AGRICULTURA DE PRECISIÓN, PRODUCIÓN DE FUNGOS E OPTIMIZACIÓN DE RECURSOS HÍDRICOS

O proxecto ‘Millopreciso’, en marcha desde 2022, está liderado por Feuga en colaboración coa USC, Marcos Otero S.L. e Gandaría Ladrela. A iniciativa céntrase na incorporación de sensores en colleitadoras para medir en tempo real a produción e humidade do millo forraxeiro, permitindo xerar mapas de rendemento que facilitan un uso máis eficiente de sementes e fertilizantes e contribúen a reducir o impacto ambiental.

Pola súa banda, o proxecto ‘Cogomelos+’ busca aumentar a produtividade dos piñeirais galegos con tecnoloxías innovadoras que melloran tanto a produción de madeira coma a calidade e cantidade de fungos comestibles. Desenvolvido por Servitec Medio, a USC e Feuga, o estudo demostrou que os clareos nos piñeirais incrementan a produción de madeira cun valor estimado de 24.200 euros por hectárea para o piñeiro neozelandés e 19.500 euros para o galego. Ademais, preto do 80% das parcelas estudadas mostraron produtividade de especies como o Boletus pinophilus e o Hydnum repandum.

Esta xornada técnica ofrece unha oportunidade para coñecer o impacto e o potencial de innovación destas iniciativas no sector agroforestal de Galicia.

ÚLTIMAS

O PP acusa ao goberno do BNG de vetar por segundo ano a concentración de coches clásicos no Obradoiro

O Club Galego de Automóbiles Antigos volverá quedar fóra das celebracións do Apóstolo en...

O Arcebispo inaugura en Santiago a escultura ‘Homeless Jesus’, símbolo da compaixón cos excluídos

O xardín da Oficina de Acollida do Peregrino, en Santiago de Compostela, conta desde...

O PSdeG solicita no Pleno un plan para arranxar as beirarrúas deterioradas de Fontiñas

O Grupo Municipal Socialista levará ao Pleno do Concello de Santiago unha proposta para...

Sanmartín xustifica a demora na taxa turística, alegando que “hai que escoitar ao sector”

A alcaldesa de Santiago, Goretti Sanmartín, xustificou este luns que o prazo para a...

Cando o verde non chega: semáforos que tardan en cambiar e peóns que prefiren non agardar

Os tempos de espera nos semáforos de Santiago están a xerar un número crecente...

Falece José María Díaz Fernández, o que fora deán da Catedral de Santiago cando se produciu o roubo do Códice Calixtino

O que fora deán da Catedral de Santiago cando se produciu o roubo do...

A Xunta e a USC pactan reformular o Máster en Matemáticas e retomar a súa oferta en 2026-27

A Xunta informou "favorablemente" a proposta do novo Máster en Matemáticas da Universidade de...