InicioSANTIAGOSantiago é a única das sete cidades onde o turismo suma carga...

Santiago é a única das sete cidades onde o turismo suma carga poboacional todos os trimestres

Compostela está sometida a unha maior carga de poboación que Ourense, a pesar de ter menos poboación residente

Publicado o

Xornal de Compostela

Santiago é o único dos sete grandes concellos co compoñente de turismo positivo en todos os trimestres do ano 2022, segundo a estatística de ‘Carga de poboación estacional dúas concellos de Galicia’ que publica este venres o Instituto Galego de Estatística (IGE).

Ese ano, os compoñentes cunha maior contribución ao saldo poboacional das sete cidades son as correspondentes aos desprazamentos por motivos de estudos e traballo.

Destaca a compoñente dos estudos en Santiago no primeiro e no último trimestre, e o compoñente do traballo na Coruña, Santiago e Vigo.

No terceiro trimestre de 2022, sobresae o aumento do compoñente das segundas vivendas nas sete cidades, e o incremento do turismo na capital galega.

De feito, en todo o período 2011-2022, Compostela está sometida a unha maior carga de poboación que Ourense, a pesar de ter menos poboación residente.

SALDO POBOACIONAL

En todos os trimestres de 2022 figuran as sete grandes cidades entre os municipios con maiores saldos poboacionais. No primeiro, os 10 primeiros complétanse co Porriño, Bergondo e Mos.

Do segundo ao cuarto trimestre, Sanxenxo ocupa o lugar de Bergondo entre os 10 concellos con maior saldo. No segundo e no cuarto trimestre San Cibrao das Viñas completa os 10 no lugar de Mos, mentres que no terceiro trimestre son os costeiros do Grove e Foz os que, xunto con Sanxenxo, enchen a lista.

Pola contra, en 2022, os municipios con saldos poboacionais máis negativos son algúns na contorna das grandes cidades, como Ames, Oleiros, Teo, Narón, Cambre, Redondela, Ponteareas e Barbadás.

TAXA DE CARGA POBOACIONAL

Excepto no terceiro trimestre, os concellos con maiores taxas de carga poboacional en 2022 son Carballeda de Valdeorras, debido á entrada de traballadores, e Mondariz-Balneario, polos turistas.

No entanto, no terceiro, os municipios con maiores taxas de carga poboacional son Sanxenxo, Barreiros e Mondariz-Balneario, que reciben fundamentalmente a entrada de non residentes por motivos de turismo ou estancias en segunda vivendas.

A taxa de carga poboacional de Sanxenxo nese período, do 166,99%, denota que durante o verán está sometido a un 67% máis de poboación da que indica a súa poboación residente.

NOITE E DÍA

O IGE destaca o diferente comportamento entre noite e día que mostra Vigo, xa que nos dous primeiros trimestres presenta un saldo poblacoinal nocturno baixo e “notablemente elevado” polo día.

Excepto no terceiro trimestre de 2022, o concello que mostra un maior saldo poboacional que pasa a noite é Santiago, seguido da Coruña, Lugo e Sanxenxo.

En canto aos que máis poboación perden pola noite, en 2022 o ranking está encabezado por Vigo no primeiro trimestre e Ames no tres seguintes.

En canto ao compoñente de segundas vivendas, no terceiro trimestre os concellos en que máis aumenta en termos relativos a poboación que pasa a noite debido a estas son Barreiros, Foz, A Teixeira, Sanxenxo, Castro Caldelas e O Bolo, con incrementos superiores ao 15%.

Os catro municipios que máis poboación perden polo día son Ames, Oleiros, Cambre e Teo, sobre todo por desprazamentos por motivos de traballo.

ÚLTIMAS

O Sindicato de Vivenda de Compostela denuncia que unha manifestante ingresou no hospital tras unha agresión policial

O Sindicato de Vivenda de Compostela denunciou que varias participantes nas mobilizacións da folga...

O PSdeG abre a campaña en Santiago cun chamamento á mobilización para o 29-N

O PSdeG iniciou en Santiago a campaña para as eleccións xerais do 29 de...

Pedro Sánchez participará nun acto electoral en Santiago o mércores 18 de novembro

O presidente do Goberno e candidato do PSOE ás eleccións xerais, Pedro Sánchez, visitará...

Fronte Ampla propón crear unha empresa farmacéutica pública en Santiago en colaboración coa USC

A coalición Fronte Ampla presentou este xoves en Santiago de Compostela o seu programa...

O sector asegurador reúne en Santiago a 400 profesionais para abordar os retos da dixitalización e da substitución xeracional

Compostela acolleu este xoves o XII Encontro Asegurador Galego, unha cita que reuniu arredor...

A mocidade de Santiago propón novos espazos de lecer e melloras na mobilidade e na comunicación

O Consello Municipal de Mocidade de Santiago de Compostela reuniuse este xoves para estudar...

Condenados a máis de 4 anos de prisión por prender lume a unha discoteca de Santiago con 200 persoas dentro por non deixalos entrar

O que comezou como unha negativa a permitir a entrada nun local de ocio...