Os deputados de Sumar Galicia, Verónica Barbeiro e Manuel Lago, pediron explicacións ao Ministerio de Interior polas cargas policiais nunha manifestación a favor do pobo Palestino en Santiago de Compostela o pasado fin de semana.
Nun comunicado, a formación explica que os parlamentarios presentaron na mesa do Congreso unha serie de preguntas relativas ás actuacións policiais da marcha celebra o pasado 6 de outubro contra diferentes manifestantes que cualifican de “desproporcionadas“.
Unha xornada na que, segundo sinalan, na cidade da Coruña os “ultras de extrema dereita do Málaga C.F. enfrontáronse a seguidores do Depor e causaron danos en diferentes establecementos e persoas ante unha notable pasividade das autoridades”.
Ante estes sucesos, Sumar Galicia pide ao Ministerio de Interior unha “xustificación” para que estes axentes policiais utilizasen a violencia ante manifestantes non violentos, “pondo mesmo en dúbida se poderían vulnerar o dereito constitucional de manifestación”.
A formación tamén sinala que esta desproporcionalidade non concorda cos novos acordos alcanzados polo Goberno de España sobre os dereitos de manifestación.
