InicioPOLÍTICAO Goberno de Santiago leva a pleno extraordinario o 31 de xullo...

O Goberno de Santiago leva a pleno extraordinario o 31 de xullo o uso de remanentes e busca respaldo dos grupos

Pretende destinar eses 6,7 millóns a "necesidades urxentes" do consistorio e a políticas de vivenda.

Publicado o

Xornal de Compostela

O concelleiro de Economía e Facenda do Concello de Santiago, Manuel César Vila, anunciou este mércores que o goberno compostelán (integrado por BNG e Compostela Aberta), tentará conseguir o apoio do resto de forzas políticas (PSdeG e PP) para aprobar o expediente de utilización de remanentes que levarán a un pleno extraordinario o mércores 31 de xullo.

Así o comunicou nunha rolda de prensa, celebrada na casa consistorial, na que presentou o contido dun documento que describiu como un expediente “rendible” e “realista”. “Imos tentar conseguir o apoio maioritario de todos os grupos políticos do pleno. Loxicamente, o noso socio principal é o PSOE e esperamos contar con el e que este expediente poida saír adiante”, declarou o político. Do mesmo xeito, comentou que nas últimas semanas o seu goberno “fixo un esforzo” para pagar as facturas pendentes do Concello cos remanentes de 2023 e que “tentará axilizar” o resto de pagos.

CONTIDO DA PARTIDA

O total da partida do remanente líquido de tesouraría é de 6.780.000 euros, que se prevé utilizar para “necesidades extraordinarias e urxentes”. O concelleiro mencionou que no contido da partida figuran, entre outros, a construción de novos pasos elevados, a reparación de muros tradicionais e a compra de mobiliario e maquinaria para a Casa das Máquinas de Santiago e o Centro Xove de Creación Cultural.

Na mesma liña, destacou que “unha das partidas máis importantes” é a adquisición dun inmoble na rúa Mazarelos, un edificio que César Vila cualificou como “singular” e de “interese público”, e que enmarcou nas políticas de defensa pública da vivenda, posto que pretende ser destinado ao aluguer.

ÚLTIMAS

Os Franco, condenados a restituír ao Concello de Santiago dúas esculturas do Mestre Mateo

O Tribunal Supremo vén de poñer fin ao longo litixio entre o Concello de...

Paralizan as obras da Intermodal de Santiago para denunciar a negativa da patronal da construción a negociar

As obras da estación intermodal de Lugo víronse interrompidas durante unha hora este xoves...

Goberno e Concello acordan construír vivendas integramente accesibles na parcela do antigo Peleteiro

O Concello de Santiago e o Ministerio de Vivenda avanzaron este xoves nun acordo...

O Concello presenta o vehículo ‘Neno’ como eixo dun proxecto piloto de micromobilidade para reducir o uso do coche privado en Santiago

O Concello de Santiago presentou este mércores un proxecto piloto de micromobilidade sostible que...

O Concello presenta o vehículo ‘Neno’ como eixo dun proxecto piloto de micromobilidade para reducir o uso do coche privado en Santiago

O Concello de Santiago presentou este mércores un proxecto piloto de micromobilidade sostible que...

O acusado de abusar dunha muller en Santiago nega os feitos e asegura que o contacto foi consentido

O home acusado de abusar sexualmente dunha muller en Santiago de Compostela en outubro...

O Concello prohibe a apertura de novos negocios automáticos no casco histórico da cidade

O Concello de Santiago vén de aprobar inicialmente unha modificación puntual do Plan Especial...