InicioPOLÍTICAA Deputación da Coruña instalará na Praza Roxa unha pantalla xigante para...

A Deputación da Coruña instalará na Praza Roxa unha pantalla xigante para ver a final da Eurocopa

O Concello de Santiago optou, pola súa banda, por non financiar este tipo de instalacións con fondos públicos

Publicado o

Xornal de Compostela

A Deputación da Coruña anunciou que facilitará a instalación dunha pantalla xigante en Santiago de Compostela para a retransmisión da final da Eurocopa este domingo, onde a Selección Española se enfrontará a Inglaterra. Esta decisión prodúcese despois de que o Concello de Santiago optase por non financiar este tipo de instalacións con fondos públicos, tal e como ocorreu en eventos deportivos anteriores.

Segundo fontes da Deputación, o ofrecemento para instalar pantallas tamén se extendía a outras cidades como A Coruña e Ferrol, aínda que estes concellos xa dispoñían de plans propios para facilitar espazos públicos onde seguir o partido.

Respecto á situación en Santiago, o Concello recibiu unha petición informal da Deputación, á espera de confirmación oficial mediante rexistro, para proceder á instalación da pantalla. O goberno local afirmou que “seguirá os procedementos habituais para outorgar os permisos necesarios para a ocupación do espazo público”, asegurando así a colaboración institucional para o evento.

Por outra banda, varios líderes políticos reaccionaron ás redes sociais a esta decisión do consistorio municipal. O líder dos socialistas, Aitor Bouza, lamentou a decisión da alcaldesa de “privar á veciñanza compostelá de compartir un evento deportivo como é a Eurocopa”.


Por outro lado, dende a oposición, Borja Verea deu as grazas á Deputación da Coruña e a Valentín González Formoso pola instación da pantalla, quen tachou ademais a postura do BNG de “radical e triste”.

“Todos sabiamos que en Santiago hai unha alcaldesa independentista e, polo tanto, non lle gusta a Selección Española, o que non coñeciamos é que podía ser, aínda, máis radical que Bildu, que goberna en Pamplona e si vai poñer pantallas xigantes”, criticou o líder dos populares composteláns.

ÚLTIMAS

Piden catro anos de cárcere para un home ao que interceptaron en Castrón Douro con 30 bolsas de cocaína

A Fiscalía pide catro anos de cárcere por un delito contra a saúde pública...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

Nace a Asociación Veciñal Pego-Sar para impulsar a vida comunitaria en Brión

Un grupo de corenta persoas constituíu oficialmente a Asociación Veciñal Pego-Sar tras unha asemblea...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

O exconcelleiro socialista José Manuel Pichel declara como investigado polo ‘caso Desproi’

O coñecido como 'caso Desproi' segue en vía xudicial e, despois de que a maxistrada...

Borja Verea urxe desmantelar “o maior centro comercial de drogas de Santiago, no barrio de Santa Marta”

O líder do PP de Santiago, Borja Verea, urxiu este venres que "se desmantele o...