No próximo pleno do Parlamento de Galicia, o Bloque Nacionalista Galego (BNG) defenderá unha proposta para que a Xunta se implique de maneira activa na regulación das vivendas de uso turístico (VUT) e cesen os “boicots” ás medidas adoptadas polos concellos, como o de Santiago, gobernado pola alcaldesa Goretti Sanmartín. Segundo a deputada do BNG, Alexandra Fernández, é “grave” que o goberno galego ignore as normativas locais e proceda ao rexistro de VUT ilegais.
Fernández expuxo que, mentres os concellos tentan regular este mercado, a Xunta mantiene unha “política da lei da selva” e continúa inscribindo vivendas turísticas a pesar de non cumprir coas normas municipais, unha práctica que foi obxecto de críticas por parte do Tribunal Superior de Xustiza de Galicia.
Ademais, a deputada nacionalista destacou a “explosión” do número de VUT, que incrementou un 4.510% dende 2017, alcanzando máis de 22.500 rexistros. Este crecemento tivo, segundo o BNG, un impacto directo nos prezos da vivenda, na calidade urbana e no modelo de turismo en Galicia.
O BNG denuncia que actualmente para rexistrar unha vivenda turística no Rexistro de Establecementos e Actividades Turísticas (REAT) só é necesario presentar unha declaración responsable, sen precisar de documentación adicional que verifique o cumprimento das normativas locais. Fernández acusa á Xunta de inscribir VUT “irregulares” e só actuar cando existe unha sentenza firme, unha situación que describiu como un “descrontrol premeditado”. O debate sobre esta problemática esperase que xere intensas discusións no vindeiro pleno.
