HomePOLÍTICAA xunta de Goberno aproba o proxecto de ordenanza que regulará as...

A xunta de Goberno aproba o proxecto de ordenanza que regulará as vivendas de uso turístico e que irá ao próximo pleno

Agora, o proxecto remitirase aos membros da Comisión Informativa de Urbanismo para que, en cinco días, presenten as emendas que estimen oportunas.

Publicado o

Por Xornal de Compostela

A xunta de Goberno local aprobou o proxecto da Ordenanza que regula a comunicación ao Concello de Santiago dos usos de hospedaxe asimilados a vivenda, as coñecidas como VUTS. Así o sinalou o concelleiro de Urbanismo, Vivenda e Cidade Histórica, Iago Lestegás, que compareceu este luns ante os medios para dar conta dos asuntos tratados na xunta de goberno local. Agora, o proxecto remitirase aos membros da Comisión Informativa de Urbanismo para que, en cinco días, presenten as emendas que estimen oportunas. As emendas deberán presentarse no Rexistro do Pleno, xa que a proposta debaterase no próximo pleno.

A Xunta de Goberno tamén aprobou a dotación de crédito extraordinario (375.210 euros) para atender a execución da sentenza ditada no procedemento ordinario que declara o dereito da empresa Viaqua a percibir unha compensación polos maiores custos derivados da explotación da ampliación da EDAR de Silvouta. Ademais, acordaron conceder o Premio de Ensaio, Investigación e Creación Audiovisual Xohana Torres, edición 2022, na súa ‘Modalidade Creación Audiovisual’ a Rosalía Quiroga Trasorras polo seu traballo ‘Mal olladas’, cunha dotación de 2.500 euros.

Lestegás tamén destacou outros temas, como as obras de mellora na accesibilidade de varios centros de educación pública, a autorización de uso de varias hortas urbanas municipais, así como a toma de coñecemento da firma de varios convenios de colaboración con entidades como Cruz Vermella para o Servizo Municipal de Urxencias Sociais (100.000 euros) e para programas de teleasistencia e de atención a persoas sen fogar (85.000 euros).

Así mesmo, informou de que quedou deserta a licitación das Obras de execución do proxecto de mellora e acondicionamento do local sociocultural de Enfesta e de que se solicitou o inicio do procedemento de avaliación ambiental estratéxica simplificada do Plan especial de infraestruturas e dotacións (PEID) para o edificio de investigación para o IDIS.

ÚLTIMAS

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

O acto de entrega das Medallas de Galicia destacan o sector audiovisual como “cada vez máis estratéxico”

O actor Luís Tosar, a produtora Zaza Ceballos e a Academia Galega do Audiovisual...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Nova protesta das vítimas de Angrois polas rúas de Santiago 11 anos despois do accidente

Decenas de vítimas e familiares do accidente do tren Alvia en Santiago --do cal...

O PP demanda melloras no barrio de Vidán

O concelleiro do Partido Popular de Santiago, Adrián Villa, criticou a xestión do BNG...

O PP local demanda urxentes reparacións nas pistas de tenis municipais en Santiago

O concelleiro do Partido Popular de Santiago, José Ramón de la Fuente, denunciou o...

O goberno local aproba a construción de 24 vivendas de promoción pública na zona do Castiñeiriño

O Concello de Santiago aprobou este luns a solicitude do Instituto Galego de Vivenda...