HomeSANTIAGOO pleno de Santiago aproba unha moción para que o acto Alba...

O pleno de Santiago aproba unha moción para que o acto Alba de Compostela teña “máxima participación”

Durante o debate, a alcaldesa, Goretti Sanmartín (BNG), avanzou que buscará o máximo consenso tanto nas persoas recoñecidas como no horario do evento, para que todos os interesados en acudir poidan participar tamén no resto de actos do Día do Apóstolo

Publicado o

Por Xornal de Compostela

O pleno municipal de Santiago aprobou este xoves por unanimidade unha moción, presentada conxuntamente polos dous grupos da oposición (PP e PSdeG), para reclamar que o acto de entrega da Alba de Compostela do 25 de xullo conte “coa máxima participación e recoñecemento institucional posibles”.

Durante o debate, a alcaldesa, Goretti Sanmartín (BNG), avanzou que buscará o máximo consenso tanto nas persoas recoñecidas como no horario do evento, para que todos os interesados en acudir poidan participar tamén no resto de actos do Día do Apóstolo.

Por parte do principal grupo da oposición, o seu líder municipal, Borja Verea (PP), censurou que a rexedora crease o ano pasado esta condecoración “ás poucas semanas de chegar ao goberno” e que convertese “o que pode ser unha boa idea nunha batalla ideolóxica”.

En 2023, a Alba de Compostela celebrouse a partir das 13.00 e entregouse ao director da Fundación Catedral, Daniel Lorenzo, aos equipos femininos do Hóckey Club Raxoi, a María Rosa Álvarez Prada, decana do Colexio Oficial de Psicoloxía de Galicia e directora técnica do Plan Socio-Comunitario de Vite, e a Ánxeles González Porto, propietaria do pub Borriquita de Belém e membro da Asociación Cultural Cidade Vella.

Sen cuestionar as personalidades que a recibiron, Verea tachou de “decisión profundamente antidemocrática” a forma na que se creou este galardón, “en contra do 70 por cento da Corporación”, en referencia ao grupo popular e ao socialista. “Vostede tivo unha actitude antidemocrática e soberbia”, espetou á alcaldesa.

Así mesmo, o concelleiro do PSdeG Sindo Guinarte recalcou que o goberno, conformado por BNG e Compostela Aberta, “non o fixo ben” o ano pasado porque a Alba de Compostela non está incluído dentro do regulamento de títulos, honras e condecoracións locais.

Por tanto, esta moción defendida este xoves no pleno, e que saíu aprobada por unanimidade, busca “rectificar ese erro”. Xunto a isto, Guinarte reclamou que “non se solapen no tempo” con outros actos.

A alcaldesa, pola súa banda, defendeu que o ano pasado “non houbo interferencias” entre a Alba de Compostela e outras celebracións propias do 25 de xullo. Así mesmo, recalcou que foi un acto “ben acollido pola sociedade civil” da cidade.

Sanmartín, quen confirmou que o goberno local participará nos actos do 25 de xullo pero non na misa do Apóstolo, por ser “relixioso”, deslizou que “foron outros” os que quixeron converter a Alba de Compostela en “unha batalla ideolóxica”.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

Parques infantís, aparcadoiros e Multixogo Nadal: esixencias do PSOE para negociar remanentes

O grupo socialista de Santiago móstrase aberto a negociar a repartición de remanentes municipais,...

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...