HomePOLÍTICAO PP critica o programa da Ascensión: "Volve esquecer aos barrios e...

O PP critica o programa da Ascensión: “Volve esquecer aos barrios e parroquias”

Demanda un informe favorable para a actuación da Panorama na Praza do Obradoiro.

Publicado o

Por Xornal de Compostela

O PP de Santiago tachou de “decepcionante” a programación das festas da Ascensión e insistiu en demandar un informe favorable para a actuación da Panorama na Praza do Obradoiro.

En rolda de prensa, a concelleira popular Nerea Barcia lamentou que o Goberno local “volva esquecer aos barrios e parroquias”, xa que considera que optaron por levar as actuacións que tiñan lugar nos centros socioculturais para locais de hostalaría. Neste sentido, dixo non entender “o criterio que empregaron para decidir en que locais sí e en cales non”, criticando que non fose “acordado” coa Asociación de Hostalaría. Tamén reprochou que coincida o horario dos concertos dos 40 Principais na Quintana coa actuación da Orquéstra Panorama na Praza do Obradoiro.

Sobre esta actuación, o edil do PP local Adrián Vila manifestou que a pesar de que o PP “está a favor” deben esixir “que se faga co informe favorable pertinente”, para que “se cumpran todas as garantías”. Así, cualificou de “sorpresa” a limitación de acceso ao Obradoiro. “Sorpréndenos que os nacionalistas tomasen a decisión de limitar decibeis e espectadores, sen saber se con esas medidas imos obter un informe favorable”, remarcou.

Preguntada por estas críticas, a concelleira de Capital Cultural, Míriam Louzao, lembrou este luns en rolda de prensa que esta actuación se enmarca dentro das festas da Ascensión, polo que “non necesita informe dos técnicos”. Con todo, debido ao “compromiso co patrimonio” do Executivo local, engadiu, quixeron “tomar unha serie de medidas”, como a limitación do espazo a 8.000 persoas e baixar os decibeis.”Non é necesario o informe, pero insistimos en querer tomar unha serie de medidas que en anteriores anos non se tomaron”, aseverou Louzao.

Ademais, os populares composteláns tamén mostraron o seu descontento pola “falta de programación” no ámbito da mocidade. Botan en falta “máis peso dos novos talentos, dos creadores e creadoras” do municipio. Nesta liña, o edil Borja Rubio expuxo que no centro de Almáciga ensaian sobre 30 grupos musicais e nestas festas da Ascensión “só un deles terá a oportunidade de mostrar todo o seu potencial”.

Ante isto, a concelleira do BNG Míriam Louzao defendeu que hai actividades para este público e criticou que o PP “fai o seu papel” que, na súa opinión, pasa por “basicamente non gustarlle nunca nada do que fai este goberno”.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

Parques infantís, aparcadoiros e Multixogo Nadal: esixencias do PSOE para negociar remanentes

O grupo socialista de Santiago móstrase aberto a negociar a repartición de remanentes municipais,...

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...