A dirección do PSOE local de Santiago facilitará a aprobación dos orzamentos do Concello de Santiago no pleno que o Pazo de Raxoi acollerá este xoves, día 27 de febreiro. Así o confirmaron a Europa Press fontes socialistas, que detallaron que o sentido do voto decidirase de forma definitiva nunha reunión que a executiva manterá ás 19.30 horas deste mércores.
Aínda que coa abstención dos dous concelleiros afíns á dirección, Marta Abal e Gumersindo Guinarte, basta para que as contas saian a favor tendo en conta que os catro concelleiros expulsados do PSOE votarán a favor das contas presentadas por BNG e CA. Fontes consultadas por Europa Press inciden en que é probable que os dous edís tamén voten a favor, pero subliñan que a decisión final sairá da reunión deste mércores.
Deste xeito, a pesar das diferenzas existentes no grupo por mor da crise que derivou na expulsión dos edís Gonzalo Muíños, Mila Castro, Mercedes Rosón e Marta Álvarez, os seis concelleiros que polo momento integran o Grupo Municipal Socialista poderán votar no mesmo sentido.
A dirección do PSOE local de Santiago facilitará a aprobación dos orzamentos do Concello de Santiago no pleno que o Pazo de Raxoi acollerá este xoves, día 27 de febreiro. Así o confirmaron a Europa Press fontes socialistas, que detallaron que o sentido do voto decidirase de forma definitiva nunha reunión que a executiva manterá ás 19.30 horas deste mércores.
Aínda que coa abstención dos dous concelleiros afíns á dirección, Marta Abal e Gumersindo Guinarte, basta para que as contas saian a favor tendo en conta que os catro concelleiros expulsados do PSOE votarán a favor das contas presentadas por BNG e CA. Fontes consultadas por Europa Press inciden en que é probable que os dous edís tamén voten a favor, pero subliñan que a decisión final sairá da reunión deste mércores.
Deste xeito, a pesar das diferenzas existentes no grupo por mor da crise que derivou na expulsión dos edís Gonzalo Muíños, Mila Castro, Mercedes Rosón e Marta Álvarez, os seis concelleiros que polo momento integran o Grupo Municipal Socialista poderán votar no mesmo sentido.
OS EDÍS EXPULSADOS TACHAN DE “TEATRIÑO” O PAPEL DA DIRECCIÓN LOCAL
Pola súa banda, os catro concelleiros do PSOE de Santiago expulsados do partido tachan de “teatriño” o papel da dirección local en relación coa súa postura para aprobar os orzamentos. Nun comunicado asinado polos catro edís (Gonzalo Muíños, Mercedes Rosón, Mila Castro e Marta Álvarez), cuestionan “en que mellorou a calidade de vida” dos veciños de Santiago despois do “teatriño” que, critican, realizaron estes días respecto dos orzamentos “a dirección local do PSdeG de Aitor Bouza e Marta Santullano” coa “complicidade”, engaden, de Gumersindo Guinarte e Marta Abal.
Así mesmo, pregúntanse “en que cambiaron uns orzamentos que xa estaban pechados hai un mes” para que, o pasado venres, “estas persoas afirmasen que non podían asegurar a súa votación favorable e agora digan que van facilitar a súa aprobación”. “A resposta ás dúas preguntas é: en nada”, reafirman os concelleiros, que insisten en que este “teatriño” só responde o “afán de protagonismo dalgunhas persoas”, mentres que o proxecto de orzamentos que vai a pleno este xoves “en nada cambiou”.
“O único que houbo aquí foi unha escenificación para chamar a atención e simular un exercicio de poder. E todo isto xogando cun tema tan transcendental para o noso concello como son os orzamentos do municipio”, sosteñen. Nesta liña, os catro concelleiros, que este xoves permanecerán aínda na bancada socialista, manifestan que “absolutamente todo” polo que preguntaron Guinarte e Abal durante estes días á alcaldesa, Goretti Sanmartín, “xa fora tratado nas reunións de negociación nas que participou a propia Marta Abal”.
“En todas elas estivo, e sabe que se tratou desde a execución do anterior acordo ata as previsións e cronograma das actuacións que recolle este”, apuntan antes de puntualizar, sen desvelar, que “só hai unha cousa que non se tratase antes”. “Un único asunto que foi a súa principal esixencia. Se queren, que o aclaren, e digan a toda a cidadanía cal foi a súa principal reclamación ao goberno local para aprobar as contas locais. Entón a xente verá que isto, unha vez máis, non vai de mellorar a vida dos nosos veciños, isto vai doutra cousa”, conclúen.
