A alcaldesa de Santiago, Goretti Sanmartín, abriu a posibilidade de unirse á petición ao Ministerio de Transportes do Concello de Ames e doutras localidades de crear unha mesa de traballo para avanzar na gratuidade das peaxes da AP-9. A preguntas dos medios, Sanmartín sinalou que está “a favor da gratuidade da AP-9, que ve “importantísima para toda Galicia”, polo que a eliminación das peaxes sería un elemento “de moitísimo beneficio para usuarios, en moitos casos, obrigatorios”.
“Entendemos que realmente estudaremos esa posibilidade. Sempre todo o que teña que ver con poder reverter unhas peaxes que entendemos que non só son abusivos, senón que levan tempo amortizadas, o lóxico sería ir a ese poder ter unha AP-9 libre de peaxes. Coincidimos nesa reivindicación”, resolveu.
