InicioPOLÍTICAO Concello ve "algo excesiva" a acción policial na protesta pro Palestina

O Concello ve “algo excesiva” a acción policial na protesta pro Palestina

O PP cualificou de "imprudentes" as palabras da portavoz do goberno local

Publicado o

Xornal de Compostela

A portavoz do goberno de Santiago, Míriam Louzao, lamentou que unha protesta “moi importante” en favor “da paz” e con miles de participantes fose “noticia” por uns incidentes que se saldaron con nove detidos, xa en liberdade. Respecto diso, apuntou que, “polo que transcendeu e as imaxes”, a intervención policial parece “algo excesiva”.

“Desde o goberno (que dirixe a nacionalista Goretti Sanmartín) interesámonos desde o primeiro momento para coñecer a situación das persoas detidas e entendemos que foi un altercado que non se debeu de producir nunca nunha marcha en solidariedade con Palestina”, aseverou Louzao, na rolda de prensa na que informou dos asuntos acordados na xunta de goberno local.

De feito, foi o segundo dos asuntos aos que fixo mención na súa intervención, despois de arrincar a rolda de prensa lamentando o crime machista de Moaña, que se suma “a unha moi preocupante onda” que vive o país. Así, a portavoz do goberno local incidiu en que, desde Raxoi, ademais de pór a disposición das mulleres os recursos dos que dispoñen, trasládase tamén, unha vez, a súa condena e “máis enérxica repulsa”.

“QUE SE RETRACTE”

As manifestacións de Louzao sobre os incidentes da manifestación en solidariedade con Palestina non pasaron desapercibidas para o PP, cuxo líder local, Borja Verea, cualificou de “imprudentes” as palabras da portavoz do goberno local. Así, interpretou que “se pon ao lado dos asaltantes duns negocios” no transcurso da manifestación e esixiu aos nacionalistas “que se retracten ou desautoricen á concelleira que fixo as declaracións asegurando que a intervención policial fora excesiva”.

“Estamos ante unhas declaracións gravísimas, aínda que doutra banda esperadas porque temos un goberno do BNG e unha alcaldesa que se pon directamente ao lado, por exemplo, de Nicolás Maduro, e o seu partido ao lado de Putin”, alertou. “Isto é gravísimo, representantes públicos póndose ao lado de presuntos delincuentes que asaltaron negocios”, agregou, antes de incidir que, nesta ocasión, non se fala de “manifestantes”, senón de “presuntos delincuentes que asaltaron uns establecementos”. Verea remarcou que o PP “respecta” o dereito a manifestación, pero tamén espera que o goberno da cidade “se poña ao lado dos propietarios e dos negocios e non ao lado de, presuntamente, alborotadores agresivos que asaltaron negocios”.

REACCIÓN DO SUP

Pola súa banda, o portavoz do Sindicato Unificado de Policía (SUP), Roberto González, difundiu un audio no que alude aos altercados e, ante as palabras de Louzao, remarca que é necesario condenar “a violencia” que, baixo o seu punto de vista, empregou un grupo de persoas “para actuar de terroristas urbanos camuflados dentro dunha lexítima protesta”. O sindicato policial denunciou que nove axentes resultaron feridos, un cun cóbado roto, e se personará na causa.

COMPOSTELA ABERTA

Tamén se pronunciou sobre o ocorrido o domingo Compostela Aberta, que comparte o goberno da capital galega co BNG. Nun comunicado, manifestan a súa “repulsa e condena ante as actuacións policiais” ao final da manifestación en Santiago, que ven “excesivas e desproporcionadas” por parte das unidades de antidisturbios despregados na capital galega. “Esperamos que se investigue o sucedido porque só desa forma se pode defender a función e credibilidade das institucións”, sinalou CA, que avoga por que “se aclare, canto antes, a secuencia dos feitos e se explique esta actuación policial”.

ÚLTIMAS

Ronald Rojas pecha as Festas da Peregrina cun pregón dedicado á integración da inmigración en Ames

O peche das Festas da Peregrina en Bertamiráns tivo como protagonista a inmigración, un...

Detido un veciño de Ames por un delito contra a saúde pública e outro contra a seguridade viaria en Teo

A Garda Civil do Posto Principal de Milladoiro Ames detivo a un home de 58 anos,...

Goretti traslada “toda a súa solidariedade” tras o incendio na Mesquita de Córdoba

A alcaldesa de Santiago, Goretti Sanmartín, trasladou "toda a súa solidariedade" coa cidade de...

As concelleiras non adscritas de Santiago esixen aclaracións sobre o freo á zona tensionada

As concelleiras non adscritas de Santiago de Compostela pediron "explicacións detalladas" do proceso polo...

As concelleiras non adscritas de Santiago esixen aclaracións sobre o freo á zona tensionada

As concelleiras non adscritas de Santiago de Compostela pediron "explicacións detalladas" do proceso polo...

O PP reclama a limpeza da fonte e lavadoiro de Aradas e acusa o goberno local de desleixo no rural

A concelleira do Partido Popular en Santiago de Compostela, Yolanda Otero, reclamou este mércores...

Mercedes Rosón insta ao goberno local a reformular o informe de zona tensionada para evitar “escusas” da Xunta

A concelleira non adscrita, Mercedes Rosón, reclamou este mércores que o goberno local revise...