InicioPOLÍTICAO goberno de Santiago tallante: "Hai zonas verdes para facer pícnics e...

O goberno de Santiago tallante: “Hai zonas verdes para facer pícnics e zonas que non son verdes que non son para facer pícnics”

Anuncia a elaboración dunha nova ordenanza de convivencia encamiñada a atallar determinados comportamentos incívicos.

Publicado o

Xornal de Compostela

O goberno local de Santiago, que dirixe a nacionalista Goretti Sanmartín, traballa co obxectivo de elaborar unha nova ordenanza de convivencia encamiñada a atallar determinados comportamentos incívicos –como os pícnics fóra de zonas verdes e en espazos como a Praza do Obradoiro– e outras accións que poden atentar contra o patrimonio da capital galega.

Na rolda de prensa na que explicou as decisións da xunta de goberno local, a portavoz do mesmo, Míriam Louzao, explicou que no marco da mesma deuse conta da contratación dun servizo de consultoría coa Cátedra de Dereito Local para elaborar a proposta de texto da nova ordenanza de convivencia.

“Estamos convencidas de que a mellor fórmula para garantir o respecto polo espazo público e a preservación da convivencia entre todos os intereses que nel conflúen é a educación“, reflexionou, antes de aludir que, nesta liña van campañas promovidas polo goberno local como ‘Fala baixiño’ ou ‘Fráxil’, así como moitas actuacións da Policía Local, mesmo en centros educativos.

No entanto, esgrimiu que tamén resulta “patente” a necesidade de contar cunha norma clara e máis detallada que funcione como código de conduta e que failice o labor policial alí onde sexa necesario. Neste sentido, nas próximas semanas abrirase unha consulta pública respecto diso, como trámite previo necesario para a aprobación de novas ordenanzas.

ASPECTOS NON RECOLLIDOS ATA AGORA

A preguntas dos xornalistas, Louzao incidiu en que o obxectivo é regular cuestións que non están recollidas nas ordenanzas actuais, que datan de anos atrás cando agora hai novas problemáticas. De feito, apuntou que “a única” cuestión que altera a convivencia e si que está contemplada é a relativa ao ruído e uso dos altofalantes.

Así, remarcou que o goberno quere dotar dunha normativa que facilite tamén a actuación e o “control” por parte da Policía Local e puxo exemplos. “Hai zonas verdes para facer pícnics e zonas que non son verdes que non son para facer pícnics“, subliñou, antes de aludir aos danos ao patrimonio, que tamén se producen ás veces de forma involuntaria.

“Cando te apoias nas columnas da Praza do Obradoiro, estou segura de que ninguén pensa que está a facer un dano, pero cando se fai continuamente provócase”, agregou. Noutra orde de asuntos, Louzao tamén foi preguntada polos datos de licitación e as críticas do PP por mor dun informe da Federación Galega de Construción. Respecto diso, argumentou que “non todos os anos se licitan todas as obras” na mesma época, a principio ou a final de ano, e remarcou que a foto fixa cambiará “absolutamente” nos próximos meses porque se van a licitar “obras bastante relevantes”.

ÚLTIMAS

Morre un pasaxeiro dun voo Tenerife-Notthingham que foi desviado a Santiago

Un voo que cubría a ruta Tenerife Sur-Notthingam foi desviado na tarde deste venres...

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

O exconcelleiro socialista José Manuel Pichel declara como investigado polo ‘caso Desproi’

O coñecido como 'caso Desproi' segue en vía xudicial e, despois de que a maxistrada...

Borja Verea urxe desmantelar “o maior centro comercial de drogas de Santiago, no barrio de Santa Marta”

O líder do PP de Santiago, Borja Verea, urxiu este venres que "se desmantele o...