HomeMOV. SOCIAISA USC comprométese a cortar relacións con universidades e empresas israelís

A USC comprométese a cortar relacións con universidades e empresas israelís

A universidade reclama o cesamento do xenocidio en Gaza e amosa o seu apoio á autodeterminación de Palestina

Publicado o

Por Xornal de Compostela

A Universidade de Santiago de Compostela comprométese a cortar relacións coas universidades e empresas israelís e reclama “deter o xenocidio” contra o pobo palestino, así como un “cesamento do fogo inmediato e permanente” en Gaza para permitir a entrada de axuda humanitaria.

Así versa un comunicado do goberno da USC publicado despois dunha reunión mantida ao mediodía coa organización estudantil Erguer, que precisamente este mércores protagonizou protestas no centro histórico compostelán con estas peticións.

A USC lembra así que estas reivindicacións “reafirman” o seu posicionamento xa acordado polo claustro, na liña do decidido hai semanas na Conferencia de Reitores e Reitoras das Universidades Españolas (CRUE).

Así, a institución compostelá emitiu un comunicado de oito puntos no que reclama o cesamento do xenocidio e denuncia os ataques e a destrución das entidades educativas na franxa de Gaza.

Ademais, comprométese a intensificar o seu apoio e relación con universidades palestinas e a non asinar novos convenios “nin a manter ningún tipo de relación científica ou académica” coas israelís se non asumen “explicitamente” a petición de alto ao lume.

Xunto a isto, a USC promete “revisar e suspender calquera relación económica con institucións e empresas israelís” que non compartan estas reivindicacións.

Así mesmo, a USC insta á comunidade internacional “a finalizar coa súa inacción e recoñecer o Estado de Palestina, así como o seu dereito á autodeterminación”, xunto co retorno dos refuxiados ás súas vivendas.

Tamén exixe o fin “da ocupación e colonización” e de “as leis de discriminación” entre os pobos israelí e palestino.

CONCENTRACIÓNS DE ERGUER

Precisamente, este mércores varias decenas de mozas concentráronse en Santiago, convocados polo sindicato estudantil Erguer, para esixir ao goberno da USC que corte todo tipo de relacións con universidades e empresas de Israel.

Os participantes na protesta exhibiron bandeiras palestinas e ‘estreleiras’, á vez que coreaban consignas como “Fóra sionistas da universidade”, “Desde o río ata o mar, Palestina vencerá” e “Xerencia, escoita, estamos en loita”. Posteriormente, entregaron un escrito coas súas reivindicacións para que chegase ao reitorado.

O obxectivo era reclamar, tal e como versaba o comunicado lido ante a Casa da Balconada, na rúa do Vilar, que a USC condenase de forma oficial “un xenocidio en curso” que se está producindo por parte de Israel na franxa de Gaza, que reclame “un alto ao lume” e que aposte pola “autodeterminación” de Palestina.

Máis en plano académico, a concentración de Erguer pediu un “boicot a Israel efectivo”, o cal implica non participar en investigacións nin artigos coas súas universidades, nin establecer negocios coas súas empresas.

Todo iso dáse unha semana despois do inicio da acampada estudantil en apoio a Palestina na Facultade de Xeografía e Historia de Santiago.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

A Asociación de Pacientes denuncia un abandono asistencial no CHUS a un paciente con cancro en remisión

A Asociación de Pacientes e Usuarios do CHUS fixo público o testemuño de V.M.A.P.,...

A USC amplía as súas axudas a estudantes de zonas en conflito para o curso 2024-2025

A Universidade de Santiago de Compostela anunciou a apertura do prazo para a súa...

Veciños do Pombal protestan ante un corte de auga polas obras, que Raxoi xustifica mentres defende: “Hai diálogo”

Unha decena de veciños do Pombal, en Santiago, onde se iniciaron unha semana atrás...