A CIG denunciou “unha nova saturación” nas Urxencias do Complexo Hospitalario Universitario de Santiago, que provocou “que o servizo se vise desbordado na quenda de tarde” deste luns, aseguran.
“A falta de cadeiras de rodas e padiolas provocou bloqueos na entrada de Urxencias con ambulancias, familiares e pacientes esperando preto dunha hora para poder dispor dunha”, sostén o sindicato.
Desde a central sindical lembran que se trata dun servizo “que xa ha cronificado unha asistencia masiva cunha media próxima as 500 entradas diarias”, algo ao que “hai que engadir a falta de estabilidade nos persoais e o desmantelamento dunha Atención Primaria” que “se ve máis resentida” nesta época co aumento da poboación e o peche de camas.
A CIG asegura que este luns se viviu no centro “outro episodio de colapso” con “pacientes esperando no corredor preto dunha hora para ser colocados nunha padiola e ser atendidos”, ata “45 minutos de espera para triaje” e “con esperas de máis de media hora por unha cadeira de rodas, “bloqueando mesmo ambulancias que chegaban cos pacientes e non dispuñan de ningunha”.
