Tamén piden a inclusión de pluses por traballar festivos e domingos

CIG, CC.OO. e UGT concentráronse en Santiago para denunciar a precariedade no sector da hostalaría e reclamaron un convenio “digno”. As centrais aseguran que a patronal viu crecer os seus beneficios “mentres os salarios e as condicións laborais seguen sendo pésimas”. O secretario comarcal da CIG-Servizos de Compostela, Roberto Alonso, criticou o aumento de prezos “de forma significativa en todos os produtos” mentres o persoal “aguanta unha enorme sobrecarga”. E advirte de que “non é que a xente non queira traballar, senón que as condicións son bastante pésimas”. Por iso, as organizacións sindicais demandan mellorar a situación económica e inclusión de pluses por traballar festivos e domingos.