InicioMOV. SOCIAISSantiago súmase á primeira manifestación estatal pola vivenda o 5 de abril

Santiago súmase á primeira manifestación estatal pola vivenda o 5 de abril

A mobilización partirá da Praza do Toural e está impulsada pola plataforma Xuntanza pola Vivenda

Publicado o

Xornal de Compostela

A cidade de Santiago de Compostela será unha das localidades galegas que participará na primeira manifestación estatal pola vivenda, convocada para o sábado 5 de abril. A mobilización, promovida pola plataforma Xuntanza pola Vivenda, partirá da Praza do Toural ás 12.00 horas, e busca visibilizar a problemática do acceso á vivenda na capital galega.

A protesta forma parte dunha convocatoria máis ampla, promovida polos sindicatos de inquilinas e outras organizacións locais en todo o Estado, baixo o lema “Acabar co negocio da vivenda”. As cidades galegas de A Coruña, Santiago e Vigo acollerán marchas en paralelo con esta mesma reivindicación.

A plataforma compostelá Xuntanza pola Vivenda naceu no verán de 2024 ante a crecente preocupación pola situación do mercado inmobiliario na cidade. Os seus integrantes sosteñen que “Compostela non é unha excepción”, e denuncian que a especulación está a deixar “unha cidade que a veciñanza non pode habitar nin gozar”.

Ademais de organizar a mobilización, o colectivo está a realizar asembleas abertas para analizar a situación e coordinar a participación na protesta. A plataforma aposta pola creación de “estruturas de autodefensa” que permitan aos inquilinos organizarse ante problemas como a suba dos prezos do alugueiro, a falta de regulación ou os desafiuzamentos.

CONVOCATORIA ESTATAL E PRECEDENTES NOUTRAS CIDADES

A marcha en Santiago forma parte dunha iniciativa máis ampla que terá réplicas en diversas cidades do Estado. Segundo o comunicado difundido na web da convocatoria (acabemosconelnegocio.es), os organizadores denuncian que “os fondos de investimento e os rentistas seguen acumulando beneficios mentres miles de persoas son desafiuzadas, expulsadas dos seus barrios ou condenadas a vivir en condicións indignas”.

Ademais, critican o papel das administracións, ás que acusan de complicidade na conversión da vivenda nun “modelo de negocio” en lugar dun dereito básico.

A mobilización chega tras protestas similares en Madrid, Bilbao ou Barcelona, onde a presión veciñal logrou impedir desafiuzamentos e mesmo conseguir a compra de edificios por parte das administracións para a súa conversión en vivenda social.

OUTRAS MOBILIZACIÓNS EN GALICIA

Ademais de Santiago, A Coruña e Vigo tamén se sumarán á protesta:

Na Coruña a manifestación sairá ás 12:00 da Praza de Ourense ata María Pita, organizada polo Sindicato de Barrio da Falperra – Os Mallos, e en Vigo sairá dende a praza de España ás 19:00, convocada polo Sindicato de Inquilinas de Vigo e outras entidades locais.

As organizacións que promoven as marchas insisten en que “isto non é só unha manifestación, senón un paso máis na construción dun movemento forte, independente e combativo”, e fan un chamamento á participación de toda a cidadanía.

ÚLTIMAS

A onda de calor actual “non supera a marca rexistrada” en Santiago de 40º en 1990

O coordinador científico do Observatorio Astronómico Ramón María Aller da Universidade de Santiago de...

‘Compostela é memoria’: unha chea de actividades de memoria histórica impulsadas polo Concello de Santiago

O Concello de Santiago impulsará actividades de memoria histórica baixo a marca 'Compostela é...

O Concello de Santiago rexeita as “escusas” para non declarar a cidade zona tensionada

A concelleira de Capital Cultural, Turismo, Educación e Memoria Histórica de Santiago de Compostela,...

O Concello amplía ata 2026 o prazo do concurso internacional de iluminación da contorna da Catedral

A voceira do goberno municipal, Míriam Louzao, anunciou esta mañá que a Xunta de...

(VÍDEO) A Asociación de Pacientes denuncia un novo colapso nas urxencias do CHUS e sinala ata 13 pacientes graves nos corredores

A Asociación de Pacientes e Usuarios do CHUS denunciou este luns un novo episodio...

‘Sinaladas’ afonda na memoria das mulleres galegas represaliadas ao longo do século XX

A rúa da Carreira do Conde, en Santiago de Compostela, acolle desde esta semana...

A Asociación de Pacientes do CHUS denuncia demoras de ata 17 días na atención primaria malia o plan de verán do Sergas

A Asociación de Pacientes e Usuarios do CHUS volveu advertir sobre o grave deterioro...