HomeMOV. SOCIAISPersoal do Hospital Psiquiátrico de Conxo reclama máis seguridade no seu traballo

Persoal do Hospital Psiquiátrico de Conxo reclama máis seguridade no seu traballo

Solicitan a implementación de Plans Funcionais para mellorar as condicións laborais

Publicado o

Por Xornal de Compostela

Este xoves, traballadores do Hospital Psiquiátrico de Conxo concentráronse diante das instalacións deste centro para esixir un aumento da seguridade nos seus postos de traballo. A protesta xorde ante a falta de Plans Funcionais que especifiquen as necesidades de cada unidade e, segundo denuncian, a carencia de accións concretas por parte da dirección para abordar esta problemática.

Durante a manifestación, que se celebrou baixo o lema “Pola seguridade nos nosos postos de traballo”, Irene Tato, representante de CIG-Saúde, explicou a importancia destes plans. Segundo Tato, os Plans Funcionais deberían determinar a configuración das diferentes unidades, así como os recursos materiais e humanos precisos, considerando todas as categorías profesionais e establecendo un cociente seguro entre pacientes e persoal de acordo co tipo de atención requerida.

A representante sindical tamén denunciou un estancamento na elaboración dun Plan de Calidade específico para o Hospital Psiquiátrico, sinalando que non se están celebrando reunións para avanzar na súa confección. Criticou á Xerencia por “eludir a súa responsabilidade” en canto a garantir unha atención sanitaria segura e de calidade, non atendendo ás medidas solicitadas pola Inspección de Traballo en canto á adopción de medidas médicas e organizativas.

Tato tamén fixo fincapé en que, tras un acordo para reducir a xornada laboral no ano anterior, a súa implementación levou a unha menor dispoñibilidade de profesionais en certas quendas, sen que se aprobasen reforzos nas unidades a pesar das solicitudes do persoal. Isto, afirman, tradúcese nun aumento dos episodios de violencia laboral, sen contar con equipos de intervención en crises e debilitando os obxectivos do Plan Galego de Saúde Mental relativos á contención cero.

O comunicado do sindicato remata describindo unha situación de deterioro das instalacións, con augas entrando nas unidades, paredes e teitos en mal estado e a ausencia dun protocolo de orde e limpeza para as zonas verdes interiores, que presentan obxectos perigosos. Malia os anuncios de obras en certas unidades, como a de Saúde Mental, a falta de información sobre estes plans agrava a preocupación do persoal.

ÚLTIMAS

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

O acto de entrega das Medallas de Galicia destacan o sector audiovisual como “cada vez máis estratéxico”

O actor Luís Tosar, a produtora Zaza Ceballos e a Academia Galega do Audiovisual...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Nova protesta das vítimas de Angrois polas rúas de Santiago 11 anos despois do accidente

Decenas de vítimas e familiares do accidente do tren Alvia en Santiago --do cal...

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

Galiza por Palestina celebra o compromiso e solidariedade co pobo palestino

A asociación Galiza por Palestina fixo pública hoxe a súa avaliación da traxectoria desde...

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...