InicioM. AMBIENTE E PATRIMONIOGoretti Sanmartín presenta en Suíza a oferta de turismo cultural do Grupo...

Goretti Sanmartín presenta en Suíza a oferta de turismo cultural do Grupo Cidades Patrimonio

"As nosas 15 cidades conforman un percorrido xeográfico que implica unha diversidade e unha riqueza inmensa en aspectos como a paisaxe e o clima, pero tamén en influencias culturais ao longo da historia, a gastronomía ou o idioma", salientou Goretti Sanmartín.

Publicado o

Xornal de Compostela

A vicepresidenta do Grupo Cidades Patrimonio da Humanidade e alcaldesa de Santiago, Goretti Sanmartín, presentou en Zúric a oferta turística e cultural das 15 urbes. A presentación produciuse este martes pola tarde, nun acto ao que asistiron máis dun cento de profesionais de axencias de viaxes, empresas do sector de reunións e congresos, así como medios especializados.

No marco desta acción conxunta con Turespaña e Paradores, a vicepresidenta do Grupo destacou a singularidade das cidades e resaltou que, en conxunto, “representan un percorrido único e extraordinario a través da historia, da arte, do territorio, do coñecemento e da diversidade cultural e lingüística”. O acto contou coa asistencia de diversas autoridades e a alcaldesa de Santiago de Compostela acudiu a esta cita en representación do actual presidente do Grupo e alcalde de San Cristóbal de la Laguna, Luís Yeray Gutiérrez.

“As nosas 15 cidades conforman un percorrido xeográfico que implica unha diversidade e unha riqueza inmensa en aspectos como a paisaxe e o clima, pero tamén en influencias culturais ao longo da historia, a gastronomía ou o idioma”, salientou. Ao tempo, resaltou que visitar as 15 cidades patrimonio ofrece a posibilidade de penetrar “en lugares únicos no mundo” que, tal e como recolle a declaración da Unesco, “teñen un carácter excepcional polo seu carácter universal e constitúen unha fonte irremprazable de vida e de inspiración”.

CAMIÑAR CARA A UN TURISMO “SUSTENTABLE”

Neste sentido, lembrou que un dos obxectivos do Grupo “é o respecto e a promoción do patrimonio xunto coa concienciación e a sensibilización para camiñar cara a un turismo sustentable”. Ao final do evento, Goretti Sanmartín destacou que o sector profesional suízo evidenciou “ter un interese real por un turismo que sexa diferente, que sexa consciente da importancia da riqueza cultural nun sentido amplo dos lugares que visita e, por tanto, un tipo de visitante que sexa respectuoso coa comunidade local”.

ÚLTIMAS

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

O Ateneo de Santiago analiza os avances no alzhéimer nunha conferencia con José María Prieto

O próximo luns, 17 de febreiro, ás 19:30 horas, o Ateneo de Santiago acollerá...

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

Renfe adaptará algúns servizos con trens diésel debido ás obras na electrificación da estación

Renfe aplicará modificacións nos servizos ferroviarios os días 22 e 23 de febreiro debido...