InicioECONOMÍAA Xunta inviste seis millóns no Citius como centro de referencia en...

A Xunta inviste seis millóns no Citius como centro de referencia en investigación de intelixencia artificial

Desenvolven iniciativas como o Proxecto Nós, para incorporar o galego ás novas linguaxes dixitais

Publicado o

Xornal de Compostela

O secretario xeral de Universidades, José Alberto Díez, e a directora da Axencia Galega de Innovación, Carmen Cotelo, visitaron este martes o Centro Singular de Investigación en Tecnoloxías Intelixentes (Citius), da USC.

Trátase, puxeron en valor, dun dos centros referentes de Galicia na investigación da intelixencia artificial, especialmente no campo das tecnoloxías lingüísticas, o ámbito de maior impacto actual neste campo.

Guiados polo director científico do centro, Senén Varro, os representantes da consellería profundaron nas investigacións que viran ao redor dos dispositivos e a computación verde e intelixente, así como nos fundamentos da intelixencia artificial.

Ademais, o centro traballa as tecnoloxías intelixentes tendo en conta o marco ético, social, económico e cultural que os engloba para “facer da intelixencia artificial unha ferramenta confiable”, destaca o Goberno galego.

A Xunta está a investir case 6 millóns neste centro, un dos 13 que compoñen a rede de Centros de Investigación de Excelencia do Sistema Universitario de Galicia. Grazas a este apoio, os máis de 100 investigadores que traballan no Citius están a desenvolver iniciativas como o Proxecto Nós, para incorporar o galego ás novas linguaxes dixitais.

Entre outras actuacións destacadas, tamén traballan en proxectos ao redor da monitorización predictiva e causalidade para rehabilitación cardíaca ou de observación e predición da calidade do aire a escala urbana.

ÚLTIMAS

Os Franco, condenados a restituír ao Concello de Santiago dúas esculturas do Mestre Mateo

O Tribunal Supremo vén de poñer fin ao longo litixio entre o Concello de...

Goberno e Concello acordan construír vivendas integramente accesibles na parcela do antigo Peleteiro

O Concello de Santiago e o Ministerio de Vivenda avanzaron este xoves nun acordo...

O antigo Peleteiro terá “100% vivendas alcanzables” e será parte da empresa pública estatal

A ministra de Vivenda e Axenda Urbana, Isabel Rodríguez, avanzou que a nova empresa...

O Concello presenta o vehículo ‘Neno’ como eixo dun proxecto piloto de micromobilidade para reducir o uso do coche privado en Santiago

O Concello de Santiago presentou este mércores un proxecto piloto de micromobilidade sostible que...

Goberno e Concello acordan construír vivendas integramente accesibles na parcela do antigo Peleteiro

O Concello de Santiago e o Ministerio de Vivenda avanzaron este xoves nun acordo...

O Concello mobiliza case un millón de euros co programa ‘Bonos Corazón’ na súa primeira campaña do ano

A primeira quenda de 2025 dos Bonos Corazón, impulsada polo Concello de Santiago, pechouse...

Goretti tende a man ao sector hoteleiro para liquidar dúbidas sobre a taxa turística e avanza unha reunión específica

A alcaldesa de Santiago, Goretti Sanmartín, tendeu a man ao sector hoteleiro para liquidar todas...