InicioECONOMÍAO Concello de Santiago adxudica unha parcela en Lamas de Abade para...

O Concello de Santiago adxudica unha parcela en Lamas de Abade para vivenda protexida

Apróbase tamén a pavimentación dunha rúa en Marrozos e varias licenzas de obras

Publicado o

Xornal de Compostela

O goberno local de Santiago aprobou a transmisión dunha parcela de protección a ‘Compostela 2024, Sociedade Cooperativa Galega’ para a construción de vivenda protexida. Segundo explicou a portavoz municipal, Míriam Louzao, o terreo, denominado BB-8, está situado no ámbito do SUNP-12 en Lamas de Abade.

Nunha rolda de prensa celebrada no Pazo de Raxoi, Louzao anunciou tamén a adxudicación da obra de pavimentación da rúa das Baleixas, en Marrozos, cun importe de 46.229 euros e un prazo de execución de dous meses. O proxecto inclúe a limpeza, acondicionamento e saneamento de zonas deterioradas.

LICENZAS DE OBRAS E FINANCIAMENTO

Na primeira sesión ordinaria de agosto da xunta de goberno, tamén se concederon oito licenzas de obras, todas elas a particulares. Estas licenzas inclúen dúas para rehabilitación de edificios, unha para reforma, tres para demolición e dúas para aparellamento.

Ademais, adxudicouse un contrato de préstamo por un importe de nove millóns de euros á entidade Kutxabank para financiar diversas obras.

SERVIZOS SOCIAIS

No ámbito dos Servizos Sociais, a xunta do goberno local rectificou un acordo previo referente á solicitude de transferencia finalista para o financiamento dos servizos comunitarios básicos do ano 2024. A porcentaxe de cofinanciamento municipal pasará a ser do 67,85%, fronte ao 57,42% inicialmente previsto. “Todos os gastos a cargo do Concello contan con consignación orzamentaria, polo que esta modificación non suporá ningún gasto engadido para o Consistorio”, sinalou Míriam Louzao.

CONVENIOS DE CAPACIDADE CULTURAL
Louzao destacou tamén a firma de varios convenios de Capitalidade Cultural, incluíndo acordos co Banco de Alimentos por 5.000 euros, coa Federación Galega de Baloncesto por 28.000 euros, coa Agrupación Cultural O Galo por 5.000 euros e co Ateneo de Santiago por 20.000 euros, entre outros.
MASIFICACIÓN TURÍSTICA

A preguntas dos medios sobre a posible masificación turística en Santiago de Compostela, Louzao afirmou que “os datos están aí” e que en determinados momentos e lugares “hai moitísimas persoas” na cidade. “Estamos analizando e solicitando datos para cuantificar esta situación”, explicou.

A portavoz subliñou a importancia de “mover os fluxos de persoas” e de traballar conxuntamente entre as distintas Administracións para reconducir a situación e facilitar unha convivencia óptima coa cidadanía.

ÚLTIMAS

Unha taxa sen acordo: dúbidas, présas e falta de diálogo no modelo turístico de Santiago

Hai uns días que sabemos que a taxa turística que o Concello de Santiago...

Galicia dá un paso clave na loita contra o cancro con protonterapia

O Consello de Seguridade Nuclear (CSN) emitiu un informe favorable para autorizar o funcionamento...

Martínez Allegue reafirma que non hai bloqueo na solicitude de Santiago como zona tensionada

A conselleira de Vivenda e Planificación de Infraestruturas, María Martínez Allegue, referiuse á resposta...

Hostaleiros de Santiago reiteran o seu “rexeitamento unánime” á taxa turística

A Unión Hoteleira de Compostela (UHC) manifestou de novo o seu "rexeitamento unánime" á...

Unha taxa sen acordo: dúbidas, présas e falta de diálogo no modelo turístico de Santiago

Hai uns días que sabemos que a taxa turística que o Concello de Santiago...

Goretti Sanmartín celebra a acreditación de excelencia María de Maeztu ao CiMUS como recoñecemento colectivo á ciencia en Compostela

A alcaldesa de Santiago, Goretti Sanmartín, participou hoxe no acto de celebración da concesión...

O Concello defende ante o IGVS a súa solicitude para declarar Santiago como zona tensionada

O concelleiro de Urbanismo, Iago Lestegás, explicou hoxe os detalles da resposta que o...