A Universidade de Santiago de Compostela (USC) adxudicou a construción do futuro edificio que albergará a Facultade de Farmacia –parte do futuro Centro de Ciencias da Saúde– á empresa Obrascon Huarte Laín S.A. (OLA, antes OHL), tras a revisión das propostas recibidas para a convocatoria iniciada en febreiro. Así o decidiu esta semana nunha mesa de contratación celebrada o venres, segundo informou a USC. A proposta mellor valorado presentou un orzamento por un valor de 23,43 millóns de euros, IVE incluído.
Esta primeira fase do Centro de Ciencias da Saúde, que se executará en 22 semanas, contempla a construción dun centro que albergará biblioteca e sala de estudo con 410 prazas, 21 aulas para docencia teórica, 17 laboratorios de prácticas, aulas de informática, zona de cultivos e sala de conxeladores, ademais dunha zona de convivencia para o estudiantado e espazos administrativos e de goberno. O proxecto presenta un deseño innovador tanto na arquitectura como en materia de instalacións, cunha funcionalidade dos espazos pensada tanto para as necesidades de docencia da Facultade como para ser adaptados as posibles necesidades futuras.
