InicioCULTURAO Festival Galicreques reúne 30 compañías con máis de 60 funcións en...

O Festival Galicreques reúne 30 compañías con máis de 60 funcións en Santiago

O evento celebrarase entre o 12 e o 20 de outubro, con representacións de compañías de oito países e varias estreas internacionais

Publicado o

Xornal de Compostela

O Festival Internacional Galicreques volve a Santiago de Compostela do 12 ao 20 de outubro cunha programación que inclúe máis de 60 funcións realizadas por 30 compañías de todo o mundo. Así o anunciou o director do festival, Jorge Rei, nunha rolda de prensa acompañado pola concelleira de Capital Cultural, Miriam Louzao, e o director da Axencia Galega das Industrias Culturais (Agadic), Jacobo Sutil.

Entre os destaques do festival, que presenta 12 estreas nesta edición, sobresaen montaxes como ‘Lémbrame. Spominaj na mnje’, unha coprodución do Centro Dramático Galego, o Bautzen Theater e a compañía galega Monicreques Alakrán. O evento contará con participación de compañías de oito países, incluíndo Arxentina, Colombia, Ecuador, O Salvador, Francia, Alemaña, España e Portugal.

A xornada do 13 de outubro estará dedicada ao país luso, coincidindo co 50 aniversario da Revolución do 25 de abril.

As compañías galegas que se presentarán este ano inclúen Titiritres, Larei Lará, Monicreques Alakrán, Cachirulo, Danthea Teatro, Monicreques Cascanueces, Olga Abad, Carmen Domech, Brincadeira, Luís Vallecicllo e a arxentina-galega Gabriela González López.

O festival, organizado pola Asociación Cultural Barriga Verde coa colaboración de entidades como o Concello de Santiago, a Xunta de Galicia e a Deputación da Coruña, tamén ampliará a súa presenza a sete centros socioculturais composteláns: Santa Marta, A Peregrina, Fontiñas, Bando, Vite, Castiñeiriño e Conxo.

Segundo Miriam Louzao, esta edición ofrece “un dos programas máis extensos dos últimos anos”, e consolida Galicreques como “un punto de encontro para o talento internacional”.

ÚLTIMAS

Un paciente denuncia a saturación das Urxencias do CHUS con 20 persoas nos corredores

Un paciente do Complexo Hospitalario Universitario de Santiago (CHUS) denunciou que 20 persoas ocupaban...

O Sindicato de Vivenda de Compostela denuncia que unha manifestante ingresou no hospital tras unha agresión policial

O Sindicato de Vivenda de Compostela denunciou que varias participantes nas mobilizacións da folga...

Santiago supera por primeira vez as 2.000 bolsas de comedor, material escolar e extraescolares

O Concello de Santiago concedeu 2.083 bolsas de comedor, material escolar e actividades extraescolares...

Casa 47 ofrece nove vivendas en Teo con alugueiros de entre 486 e 644 euros ao mes

Nove vivendas de Teo forman parte da nova convocatoria de alugueiro asequible de Casa...

A galería DUPLA inaugura este venres ‘Un corpo propio’, unha exposición de Yolanda Dorda sobre o corpo feminino

A galería DUPLA de Santiago de Compostela, situada no número 9 da rúa Fonte...

Falece en Santiago o escritor e investigador Xaquín del Valle-Inclán aos 73 anos

O escritor, profesor e investigador Xaquín María del Valle-Inclán Alsina faleceu este luns, 9...

Dunha antena pendurada dun pau á UNESCO: os 30 anos do proxecto que uniu Galicia e Portugal a través da radio escolar

Houbo un tempo no que conectar dúas escolas separadas por unha fronteira requiría pouco...