A quinta edición do festival ‘Maré’ dará comezo este mércores en Santiago de Compostela, coa actuación de Sumrrá e Niño de Elche ás 20:30 horas na Sala Capitol. Este encontro musical, que se prolongará ata o domingo, reunirá a máis de 30 bandas de diferentes países, convertendo a cidade en “o epicentro da diversidade cultural e musical” de ambas as beiras do Atlántico.
O cartel do festival conta con voces e ritmos de México, Brasil, Palestina, Estonia, Angola, Portugal, Alemaña e Arxentina, ademais de proxectos musicais galegos, valencianos, cataláns e vascos. Os escenarios principais serán o Teatro Principal, a Sala Riquela, a Casa das Crechas e a praza de Mazarelos, ademais da mencionada Sala Capitol.
A actuación inaugural destacará por fusión de vangarda que supón o proxecto conxunto de Sumrrá e Niño de Elche, que promete ser “algo totalmente inédito dentro da vangarda musical do estado”. O concerto estará precedido por a actuación de Garrido Pombo e completarase coa Foliada da Banda das Crechas e unha sesión do DJ Panko.
O festival continuará o xoves coa actuación de Albert Pla & The Surprise Band e a galega Azul Ferreira. Outras citas destacadas inclúen os concertos de Sés e Aluminé Guerreiro. O evento rematará o domingo cun concerto de Lá no Xepangara no Teatro Principal.
Ademais, a praza de Mazarelos acollerá espectáculos gratuítos o venres e sábado, e o festival contará cun programa especial para os máis pequenos, baixo o lema “Maré Crianzas”.
