O XXIX Festival Internacional Galicreques traerá a Santiago de Compostela unha programación destacada, con unha ducia de estreas entre o 12 e o 20 de outubro. Unha das novidades máis esperadas é a coprodución ‘Lémbrame. Spominaj na mnje’, unha homenaxe á memoria que pon en valor o galego e o sorbio, idioma dunha minoría étnica eslava. Esta obra é unha colaboración entre o Centro Dramático Galego, Monicreques Alakrán e o Bautzen Theater de Alemaña, no marco do proxecto Phone.
Entre as estreas tamén se atopa ‘Emotivas’, da compañía galega Titiritres, que abrirá a programación escolar cunha historia sobre a amizade entre tres personaxes: Melancolía, Irritación e Seguridade. Outras propostas inclúen ‘Un gran plan’ de Olga Abad, e dúas pezas das compañías portuguesas ‘As marionetas tambén tém coraçao’ e ‘Portugalidades’, esta última dedicada aos 50 anos da Revolución do 25 de abril.
O festival contará ademais con espectáculos de compañías internacionais provenientes de El Salvador, Arxentina, Colombia, Valencia e Andalucía.
Organizado pola Asociación Cultural Barriga Verde, o Galicreques 2024 conta co apoio do Concello de Santiago, Xunta de Galicia, Deputación da Coruña, o Instituto Nacional de Artes Escénicas e Musicais (Inaem), Iberescena e a Fundación SGAE.
