Francisco, el hombre, banda de México e Brasil, actuará en Santiago de Compostela, na Sala Capitol (21.00 horas), o 28 de setembro no marco da quinta edición do festival Maré. Este grupo é un dos grandes referentes do panorama de música independente latinoamericana. A banda está formada por Mateo e Sebastián Piracés-Ugarte (México) e os brasileiros Juliana Strassacapa, Andrei Martinez Kozyreff e Helena Papini.
Presentará o seu novo disco, ‘Hasta el Final’, un traballo que funciona a modo de festa catártica de todo o que este grupo construíu ao longo dos últimos anos. O Festival Maré, de músicas e artes atlánticas, celebrarase en Compostela entre o 25 e o 29 de setembro. Está promovido por Nordesía co apoio da Xunta de Galicia, Deputación da Coruña, Concello de Santiago e Estrella Galicia, entre outros. As entradas para os concertos pódense comprar xa na páxina web (www.maré.gal), onde tamén se pode atopar o programa completo.
