O ciclo ‘CulturON’ ofrece este verán case 500 actividades culturais en 20 concellos da comarca de Santiago dos cales seis teñen lugar na capital galega.
A delegada da Xunta na Coruña, Belén do Campo, participou este venres una das actividades e destacou que esta campaña garante o acceso universal á cultura, potencia e diversidade da oferta e apoia as iniciativas das industrias creativas galegas chegando a moi diversos puntos da comunidade.
En concreto en Rois, a mañá deste venres, no campo da festa de Urdilde os asistentes gozaron da actuación ‘Imposibles ou Improbables’, un espectáculo de maxia que ofrece unha viaxe a través do inverosímil e o extraordinario.
Coas propostas xa en marcha, que continuarán ata o mes de setembro, neste 2024 danlle continuidade a unha campaña que xa funcionou durante o pasado ano e que cobra agora unha dimensión maior.
