HomeCULTURAO Consello Xacobeo acorda solicitar que o Ano Santo 2027 sexa declarado...

O Consello Xacobeo acorda solicitar que o Ano Santo 2027 sexa declarado Acontecemento de Excepcional Interese Público

No encontro en Pamplona, liderado polo ministro Ernest Urtasun e a conselleira Rebeca Esnaola, debatéronse estratexias para potenciar o patrimonio e a sustentabilidade no Camiño de Santiago

Publicado o

Por Xornal de Compostela

O Pleno do Consello Xacobeo, presidido polo ministro de Cultura, Ernest Urtasun, reuniuse este mércores no Palacio de Navarra para avanzar na preparación do Ano Santo Xacobeo 2027. Durante a reunión, á que tamén asistiu a conselleira de Cultura, Deporte e Turismo do Goberno de Navarra, Rebeca Esnaola, solicitouse ao Ministerio de Cultura a declaración do Ano Santo Xacobeo 2027 como Acontecemento de Excepcional Interese Público (AEIP). Este recoñecemento permitirá promover un programa específico de beneficios fiscais, facilitando a colaboración da sociedade civil desde o 1 de xaneiro de 2025 ata o 31 de decembro de 2027.

Ernest Urtasun destacou os “excelentes resultados do Ano Xacobeo 2021-2022” e anunciou xornadas sobre patrimonio e sustentabilidade en Leyre, co obxectivo de impulsar o patrimonio como punta de lanza da transición ecolóxica. Asemade, manifestou o seu apoio aos Encontros de Pamplona/Iruñeko Topaketak, e expresou o desexo de colaborar nestes encontros para traballar conxuntamente na idea de crear unha Bienal de Cultura e Transición Ecolóxica.

Rebeca Esnaola enfatizou a capacidade do Camiño de Santiago para xerar consenso entre as comunidades autónomas e destacou os desafíos que presenta o camiño para adaptarse aos retos do século XXI, como a accesibilidade universal e a sustentabilidade. Agradeceu tamén a colaboración do ministerio coas actividades relacionadas co Camiño de Santiago.

Con respecto ao traballo conxunto para o Ano Santo Xacobeo 2027, o Pleno do Consello tratou a posta en marcha dun programa de traballo entre o Estado e as comunidades autónomas. Este programa incluirá actuacións para mellorar a rede de itinerarios xacobeos e o desenvolvemento de modelos de xestión sustentables. Urtasun salientou a importancia de optimizar as condicións para que o peregrinaxe se realice nas mellores circunstancias posibles, incluíndo a seguridade das mulleres que percorren o Camiño en solitario.

Finalmente, o Pleno do Consello tratou a declaración do Camiño Francés como Ben Patrimonio Mundial pola UNESCO e a proposta de realizar unha actividade conxunta durante as Xornadas Europeas de Patrimonio 2024, co tema ?Rutas culturais, redes e puntos de encontro?. Esta actividade busca dar a coñecer a riqueza e diversidade cultural de Europa e responder aos retos do sector cultural.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...