HomeCULTURAO conselleiro de Cultura resalta o papel de Galicia Escena PRO na...

O conselleiro de Cultura resalta o papel de Galicia Escena PRO na dinamización das artes escénicas

O conselleiro de Cultura asiste á primeira xornada da feira con máis de 200 profesionais en Santiago de Compostela

Publicado o

Por Xornal de Compostela

O conselleiro de Cultura, Lingua e Xuventude, José López Campos, acudiu este luns ao Teatro Principal de Santiago á representación do espectáculo ‘Noso’ de Os Náufragos Teatro, onde destacou a importancia de Galicia Escena PRO para a dinamización das artes escénicas.

Este espectáculo enmárcase dentro das actividades previstas para a primeira xornada da feira promovida pola Xunta e a asociación Escena Galega para favorecer a contratación de espectáculos galegos por parte de espazos culturais, circuítos e mostras de dentro e fóra de Galicia.

Segundo trasladou a Xunta nunha nota de prensa, López Campos defendeu que esta iniciativa supón un “gran escaparate para todos os profesionais do sector que durante catro días enchen de cultura a capital de Galicia”.

A 11ª edición de Galicia Escena PRO reúne ata o 30 de maio a máis de 200 profesionais da produción, distribución e programación das artes escénicas en Santiago de Compostela. Este ano, o mercado ofrece un amplo abanico de actividades composto por unha vintena de espectáculos de diferentes disciplinas e formatos, tanto de compañías de ampla traxectoria como de novos nomes que se están consolidando no actual panorama escénico galego, presentacións ‘pitching’ doutros 12 proxectos e dúas mesas redondas sobre os principais retos no ámbito da programación cultural.

Ademais do Museo das Peregrinacións, nesta edición a Igrexa da Universidade sumouse como espazo de exhibición da feira aos xa habituais Auditorio Abanca, Salón Teatro e Teatro Principal. As prazas da Quintana e de San Martiño Pinario repiten, así mesmo, como escenarios para circo e danza, e a Sala Riquela para o concerto programado como actividade paralela, que nesta ocasión ofrecerá Sabela na noite do mércores.

ÚLTIMAS

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

O acto de entrega das Medallas de Galicia destacan o sector audiovisual como “cada vez máis estratéxico”

O actor Luís Tosar, a produtora Zaza Ceballos e a Academia Galega do Audiovisual...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Nova protesta das vítimas de Angrois polas rúas de Santiago 11 anos despois do accidente

Decenas de vítimas e familiares do accidente do tren Alvia en Santiago --do cal...

O profesor universitario Vicente Vázquez Vidal gaña o premio Nortear de relato curto

Vicente Vázquez Vidal, escritor e profesor universitario nado en Melide no ano 1992, foi...

Revenidas Miúdo encherá o 28 de xullo o Monte do Gozo de música para nenos, xogos e espectáculos de maxia e monicreques

A segunda edición do festival Revenidas Miúdo encherá o vindeiro domingo, día 28 de...

Valentín García e Xosé Merelles presentan o Festival Revenidas Miúdo no Monte do Gozo

Valentín García, secretario xeral da Lingua, e Xosé Merelles, director de Turismo de Galicia,...