InicioCULTURAO Museo do Pobo Galego reúne en Santiago a unha trintena de...

O Museo do Pobo Galego reúne en Santiago a unha trintena de asocacións

O encontro, que celebra o centenario do Seminario de Estudos Galegos, busca compartir experiencias e fortalecer o asociacionismo

Publicado o

Xornal de Compostela

Unha trintena de asociacións culturais galegas daranse cita o vindeiro sábado, 1 de xuño, no Museo do Pobo Galego para realizar un encontro de traballo colectivo.

O director do Museo do Pobo Galego, Manuel Vilar detallou que este encontro busca que as diferentes asociacións “coñézanse e compartan experiencias”.

A cita, baixo o título ‘O futuro dun legado. Encontro do asociacionismo cultural galego a cen anos do SEG’, servirá de colofón ao programa de actos con motivo dos 100 anos de creación do Seminario de Estudos Galegos.

Con ela, o Museo, unha das institucións herdeiras daquela entidade, pretende remarcar o traballo das asociacións que, de maneiras diversas desde diferentes puntos, continúan o labor iniciado polo SEG.

No encontro participarán preto de 30 asociacións das catro provincias galegas que traballan en investigación e divulgación de diferentes ámbitos do patrimonio galego, como son: científico, cultural, histórico, territorio e patrimonio inmaterial, entre outros.

Esta xornada será de intercambio e reflexión colectiva, para profundar nas posibles solucións aos desafíos que xorden na xestión dos proxectos, para analizar e fomentar as relacións entre o tecido asociativo, veciñanza e patrimonio e para celebrar conxuntamente o traballo que realizan desde o tecido asociativo.

Así mesmo, a cita busca abrir vías de intervención e de participación directa da sociedade nun Museo do Pobo Galego que é froito do traballo asociativo.

ÚLTIMAS

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

O misterio do Apóstolo: espiritualidade, estratexia e construción de Europa

Cada 25 de xullo, Galicia celebra o día do seu patrón, o Apóstolo Santiago....

Rosalía de Castro recibe unha emotiva homenaxe en Bonaval

Diversas autoridades renderon homenaxe neste venres 25 de xullo, Día de Galicia, á insigne...

Unha alfombra floral honra a Díaz Pardo na Praza da Inmaculada

Unha alfombra floral conmemora ao artista e intelectual galeguista Isaac Díaz Pardo (1920-2012) na...

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

Unha alfombra floral honra a Díaz Pardo na Praza da Inmaculada

Unha alfombra floral conmemora ao artista e intelectual galeguista Isaac Díaz Pardo (1920-2012) na...

Aisge merca a Sala Yago e prepara a súa reactivación como espazo cultural en Santiago

A Sala Yago, situada na rúa do Vilar de Santiago de Compostela, inicia unha...