HomeCULTURAO IES Rosalía de Castro inaugura a mostra 'Un canto na procura...

O IES Rosalía de Castro inaugura a mostra ‘Un canto na procura da luz’, sobre Luísa Villalta

Baseada na figura homenaxeada nas Letras Galegas neste 2024.

Publicado o

Por Xornal de Compostela

O IES Plurilingüe Rosalía de Castro de Santiago de Compostela inaugurou este mércores a exposición ‘Un canto na procura da luz’, unha mostra ao redor de Luísa Villalta que reúne 26 paneis informativos sobre a traxectoria vital e profesional da autora, así como traballos do alumnado deste centro compostelán baseados na figura homenaxeada nas Letras Galegas neste 2024.

Videopoemas, ilustracións, caligramas e poemas asinados por estudantes de secundaria sobre diferentes aspectos da súa biografía e da súa obra conforman o groso desta exposición, que se pode ver no primeiro piso do IES Rosalía de Castro.

Trátase, en palabras do secretario xeral de Política Lingüística, Valentín García, dunha exposición “ampla, moi grande e moi completa sobre a figura de Luísa Villalta”. O representante da Xunta animou aos estudantes a levar consigo sempre a literatura e a lingua.

No acto participou tamén o director do IES Rosalía de Castro, Xavier Mouriño, así como dos profesores de Educación Plástica Visual do centro, Ana García e Juan José Raíces, e da profesora responsable de Dinamización Lingüística do Rosalía, Marga Romeu.

Esta última docente aproveitou para achegar a súa visión sobre Luísa Villalta, autora á que a unía unha longa amizade. “Luísa Villalta escribiu para o futuro”, dixo Romeu, quen aproveitou a ocasión para trazar un percorrido pola traxectoria da autora. “Foi ensinante, gustáballe dar clase e facíao desde o IES Isaac Díaz Pardo de Sada”, apuntou Romeu, que puxo tamén en valor a súa carreira musical como violinista, ademais do seu valor literario.

Os traballos realizados polos alumnos e polas alumnas do IES Rosalía de Castro para esta exposición contaron tamén coa implicación da profesora de galego Sira Vidal e do profesor de latín Xabier Recondo. Ademais, os antigos docentes do centro, agora xubilados Soidade Pite e Pedro Ávila achegaron á mostra varias ilustracións a maneira de retrato de Luísa Villalta.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...