HomeSANTIAGOAs festas da Ascensión de Santiago abren coa 'Panorama' e o concerto...

As festas da Ascensión de Santiago abren coa ‘Panorama’ e o concerto dos 40 Principales

Publicado o

Por Xornal de Compostela

A orquestra Panorama na Praza do Obradoiro e o concerto dos 40 Principales na Quitana abren na noite deste mércores cinco días das festas da Ascensión en Santiago de Compostela, que inclúen concertos como os de Fillas de Cassandra, Billie Marten e o ComposFest, así como música tradicional e os eventos clásicos das consideradas como as festas “máis picheleiras”.

Coas tradicionais atraccións da Alameda funcionando desde o pasado día 4 (farano ata o 19), as festas como tal arrincan este mércores ás 21,00 horas na Praza da Quintana, co concerto Santiago 40 Pop, organizado polos 40 Principais da Cadena Ser.

Contará coas actuacións de David Otero, Bombai, Soge Culebra, Lérica, Mar Lucas, Álvaro Maio, Álex Márquez e Lontreira. Posteriormente, ás 22,30 horas, a Praza do Obradoiro acollerá a actuación da mítica Orquestra Panorama, que contará cun aforamento, a falta de pecharse, dunhas 8.000 persoas.

Ademais, o programa inclúe outras actuacións musicais, como a das galegas Fillas de Cassandra o xoves 9 ás 21,00 horas na Quintana, e a Orquestra Funçao Públika ás 22,00 horas no Obradoiro. O venres será a quenda da orquestra Os Player’s a partir das 22,00 horas na Alameda.

Ademais, a Praza da Quintana acollerá o venres a partir das 20,30 horas a segunda edición do ‘Compos Fest’, que contará Boyanka Kostova, Deus Ke te Crew, André G. S. e Cool Meniñas.

Tamén na Quintana, o día 11 terá lugar o concerto Estrella Galicia, que contará coa actuación de Billie Marten, e, á mesma hora, a orquestra Finisterre na Alameda.

FOLK NA RÚA E BAILE

Desde o xoves, as tradicionais ‘alboradas’ interpretadas por agrupacións locais ambientarán coa súa música as rúas compostelás e a Banda Municipal de Santiago ofrecerá os concertos ‘Desde a identidade’ e ‘Desde a sétima arte’ na Praza da Quintana.

Ademais, en diferentes prazas, cidadáns e visitantes poderán gozar das actuacións máis tradicionais cos ciclos ‘Folk na rúa’ (xoves, 9 de maio) e ‘Escolas de Baile Tradicional’ (sábado, 11 de maio), ofrecido polas agrupacións folclóricas da cidade como Cantigas e Agarimos, Ultreia ou Brincadeira, entre outras.

Varios locais de Santiago acollerán o sábado as interpretacións de varios grupos de Cantos de Taberna cunha actuación conxunta final. O mesmo día pola tarde, a Casa do Taberneiro acollerá un taller para todas as persoas interesadas neste tipo de cánticos populares.

CABEZUDOS E FEIRA CABALAR

O día grande das Festas, o xoves da Ascensión, chegarán ás rúas as tradicionais comparsas de Cabezudos e tamén se celebrará a clásica Feira Cabalar no recinto de Amio.

Ademais, terá lugar a edición número 25 da Festa dos Maiores, amenizada polo Grupo Eureka. Será o día 11 de maio no recinto feiral de Amio.

Outra das actividades tradicionais que se repetirá este ano é o torneo de Chave, que chega ao seu XLVII edición e que se desenvolverá o venres e o sábado na Alameda compostelá.

OUTRAS ACTIVIDADES

O programa inclúe outras actividades, como a representación da peza de teatro ‘Adictos’, de Pentación Espectáculos, que terá lugar no Auditorio de Galicia o xoves 9 ás 20,30 horas, ou varios espectáculos de monicreques dirixidos a nenos a cargo de Babaluva, Kukas, Larraitz Urruzola Producións Artísticas, Monicreques Alakrán e Viranvolta Monicreques, todos eles na praza de Mazarelos. O programa deste ano inclúe a visita teatralizada pola ruta de Valle-Inclán ‘A barraca de Compostela’.

O palco da Alameda e a Nave de Vidán acollerán o venres e o sábado varias actividades ao redor do tango e a milonga que contarán coa presenza do cantante arxentino El Chino Laborde.

Para completar o programa, o sábado celebrarase a ‘Corresán Ruta de Prata de Angrois’ que terá lugar o sábado a partir das 17,30 horas con saída e meta no Camiño Real de Angrois, e a XXIII Carreira da Ascensión, organizada polo Club Ciclista Compostela. Os amantes das novas tecnoloxías poderán asistir ao Dron Festival Gaelic GP, o venres e sábado no campo de hóckey da USC, no Campus Sur.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...

Valentín García destaca o papel do galego no fenómeno Xacobeo durante a entrega do II Premio de Ensaio Camiño de Santiago

O secretario xeral da Lingua, Valentín García, puxo en relevo a importancia de aproveitar...