A cantante chilena Mon Laferte foi anunciada como a última incorporación ao lineup de O Gozo Festival, que terá lugar o 6 de xullo en Santiago. Laferte únese a unha lista de artistas destacados como Fillas de Cassandra, Ed Sheeran, Bomba Estéreo, Milky Chance, ou Angelina Mango.
Mon Laferte, cuxo nome real é Norma Monserrat Bustamante Laferte, é recoñecida non só como cantautora senón tamén como artista visual. A súa música abrangue unha diversidade de xéneros, influenciada polas súas experiencias dende a súa xuventude en Viña do Mar ata a súa evolución artística en México.
Ao longo da súa carreira, Mon Laferte lanzou oito álbums, incluíndo títulos como ‘Desechable‘, ‘Tornasol‘, e ‘Norma‘. A súa música permitiulle actuar en escenarios de renome mundial como Coachella, Vive Latino e o Auditorio Nacional de Cidade de México.
A artista gañou catro Latin Grammys e foi nomeada en dúas ocasións para os Grammys, consolidándose como unha das cantautoras máis importantes da súa xeración.
