O Composfest celebrará a súa terceira edición no marco das ‘Festas da Ascensión’ o venres 30 de maio ás 20.30 horas na Praza dá Quintana, coa que a S.D. Compostela e o Concello revalidan a súa colaboración, á que se une a Sala Capitol polo seu 90º aniversario. Grande Amore, Helena Egea e Howling Jaws compoñen o cartel do evento.
Este mini-festival converteu en tradición contar, no seu maior parte, con figuras que teñen algún tipo de vínculo coa cidade. Neste caso, o burelense Nuno Pico viviu durante máis dunha década nela e Helena Egea é unha pontevedresa afincada en Santiago. Como banda convidada veñen os parisienses Howling Jaws, que presentan o seu segundo álbum, ‘Half Asleep Half Awake’.
“Animamos a toda o mundo a que veña. É a primeira vez que Grande Amore actúa na Praza da Quintana”, destacou Nuno Pico, quen se mostrou emocionado polo acontecemento tras o tempo vivido en Compostela. Grande Amore, trío composto tamén por Mariagrep e Clara Redondo, está agora mesmo inmerso en plena xira de ‘III’, co que están a encher as salas de toda Galicia.
Pola súa banda, Helena Egea tamén animou a todo o mundo a sistir a este evento que abrirá ela mesma para dar paso ao resto da programación “chulísima”, nas súas palabras.
