A falta dunha semana para o comezo da Primeira FEB, o Monbus Obradoiro prepara o seu debut en liga contra o Movistar Estudiantes no WiZink Center de Madrid, o vindeiro domingo 29 de setembro. Para animar aos seus xogadores e garantir que os afeccionados poidan acompañar ao equipo neste importante encontro, o club organizará autobuses de ida e volta a Madrid o mesmo día do partido.
O autobús partirá do Multiusos Fontes do Sar ás 7:30 horas, e o regreso será tras o remate do encontro, tamén ata o Multiusos. Os interesados poden optar por adquirir só a entrada ao partido, ou un pack que inclúe a viaxe en autobús e a entrada. O prezo do pack é de 25 euros para adultos e 20 euros para nenos, mentres que as entradas individuais custarán 20 euros para adultos e 15 para público infantil.
As entradas e o pack estarán dispoñibles para a súa compra en liña ata o xoves 26 de setembro ás 12:00 horas. Os menores de idade deberán ir acompañados dun adulto, ou no caso de non viaxar cos seus pais, precisarán unha autorización asinada por un deles especificando quen se responsabilizará do menor.
O Monbus Obradoiro fai un chamamento aos seus seguidores para que se animen a desprazarse a Madrid e apoiar o equipo no seu primeiro partido desta tempada. A viaxe en autobús levarase a cabo sempre que se cubra o número mínimo de prazas.
