O Concello de Ames organiza, coa colaboración da Federación Galega de Atletismo, a primeira edición do Cros Concello de Ames, que tamén servirá como Campionato da Xunta de Galicia de campo a través absoluto por remudas mixto. O evento celebrarase o próximo 12 de outubro na localidade de Aldea Nova, xunto ás pistas municipais de tenis, e está aberto tanto a deportistas federados como a afeccionados.
As inscricións para as probas populares (categorías de sub 10 a sub 16) estarán abertas ata o 9 de outubro, mentres que o prazo para o campionato galego de remudas mixto finaliza o 7 de outubro. A inscrición é gratuíta e deberá realizarse a través das plataformas en liña habilitadas.
Entre as actividades previstas, destacarán as probas de relevo mixto, que abrirán a xornada ás 11:00, e outras para as categorías de menores. O evento finalizará coa entrega de trofeos ao redor das 13:50, premiando aos mellores atletas de cada categoría.
