O vicevoceiro do Partido Popular de Santiago, José Antonio Constenla, expresou hoxe a súa preocupación polo que considera un “desmantelamento” do aeroporto de Santiago, atribuíble, ao seu xuízo, á falta dunha política turística eficaz por parte do BNG desde a súa chegada ao goberno local. Segundo o edil popular, as conexións internacionais do aeroporto están a reducirse progresivamente, o que afecta negativamente ao turismo e ao desenvolvemento económico da cidade.
Constenla destacou que o BNG está a levar a cabo unhas políticas que definiu como “turismofóbicas”, acusando ao partido de non reaccionar ante as reducións na oferta de voos. En palabras do vicevoceiro, “o goberno nacionalista está deixando Santiago cada vez máis illado, sen buscar solucións ou melloras”.
O popular xa manifestara no Pleno de febreiro a súa preocupación pola redución de 40.000 prazas na tempada de verán, e agora advirte que a situación empeora coa chegada da tempada de inverno, sen que o goberno municipal tome medidas ao respecto.
