O accidente ocorreu durante unha celebración particular e a persoa foi trasladada ao hospital con lesións graves nunha man

Unha persoa resultou ferida grave nunha man tras a explosión dunha bombona nunha celebración particular en Calo, no municipio coruñés de Teo. O suceso, tal e como informou o 112, produciuse sobre as 12.30 horas deste sábado e foi un familiar do ferido o que deu a voz de alarma. Ata o punto desprazáronse os profesionais de Urxencias Sanitarias de Galicia-061 que trasladaron á persoa ferida ata o hospital de referencia. No operativo tamén participou o GES de Brión, a Policía Local, a Garda Civil e o Servizo Municipal de Protección Civil de Teo.