O director xeral de Maiores e Atención Sociosanitaria, Antón Acevedo, participou hoxe no curso “Claves para lograr un estilo de vida activo e unha alimentación saudable”, organizado pola Universidade de Santiago de Compostela. O evento, que se celebrou no Colexio Maior Rodríguez Cadarso do 3 ao 5 de setembro, inclúe unha serie de conferencias, obradoiros e mesas de debate sobre estratexias para fomentar hábitos saudables na poboación.
Durante a súa intervención na mesa dedicada ás estratexias públicas para promover hábitos saudables, Acevedo subliñou a importancia de manter un estilo de vida activo, especialmente entre as persoas maiores. Tamén destacou as políticas de envellecemento activo da Xunta de Galicia, que buscan mellorar a calidade de vida da poboación maior a través da promoción da actividade física e unha alimentación equilibrada.
