Dous camións tiveron senllos accidentes na provincia da Coruña, en concreto en Santiago e Val do Dubra, segundo informou a Europa Press o servizo de emerxencias 112 Galicia. Neste último caso, foi un camión contraincendios da Xunta que envorcou polo que se desprazou ao lugar un guindastre e solicitáronse medios da Garda Civil e de servizos de mantemento. Foi na DP-1914, no quilómetro 28, cinco minutos antes das once da mañá.

Antes das 10:30 horas, tamén se rexistrou outro na AC-250, no quilómetro catro, no municipio de Santiago. Neste caso foi un camión que transportaba cervexa, sen feridos. Ao lugar, desprazouse Policía Local e Protección Civil, ademais da Garda Civil con traslado da mercadoría e presenza tamén de servizos de mantemento.