O Obradoiro CAB lamentou o falecemento de José Asorey Rial, o primeiro conserxe do pavillón do clube, que morreu o pasado sábado 18 de agosto aos 103 anos. O señor José, como se lle coñecía no club, dedicou máis de cincuenta anos ao Obradoiro, sendo un dos pilares do vello pavillón do Sar.
Asorey Rial, que iniciara a súa labor o 6 de outubro de 1970, foi o primeiro conserxe na historia desta instalación deportiva, onde se viviron importantes momentos para o club. Durante a súa carreira, ademais de realizar tarefas de mantemento e coidar do bar do pavillón, tamén se encargaba de cobrar os carnés de socio a domicilio.
O señor José, que alcanzou o centenario cando o Obradoiro celebrou os seus 50 anos, era moi aprecidado por todos os membros da entidade. O club quere transmitir o seu sincero pesar aos familiares e persoas achegadas a Asorey Rial. A súa memoria permanecerá como unha parte fundamental da historia do Obradoiro CAB.
