O concelleiro de Obras do Concello de Santiago, Xesús Domínguez, anunciou a finalización das obras de mellora na Praza de Abastos, realizadas pola empresa Inside The Team SL cun investimento de 451.278 euros. As intervencións incluíron a renovación das marquesiñas, estores, portas correderas, o aseo adaptado e a instalación eléctrica da torre central.
Entre as principais actuacións, substituíronse as marquesiñas metálicas situadas entre as naves do mercado e na súa fachada este, para solucionar problemas de filtración de auga e dificultade de mantemento do falso teito. O falso teito de vidro foi reemplazado por unha malla que permite a entrada de luz, mellorando a visibilidade no interior do mercado.
Tamén se realizaron traballos de limpeza no canlón existente e na revisión dos selados e unións coa estrutura. Nas marquesiñas sobre os postos da muralla, incrementouse a pendente da cuberta ata o 1,5% para optimizar a evacuación da auga e eliminar filtracións previas.
Adicionalmente, as portas correderas das naves foron equipadas con novos motores para facilitar a súa apertura, despois de reubicar o sensor de presenza. Estas melloras están destinadas a incrementar a funcionalidade e seguridade do mercado municipal.
