InicioSANTIAGOBOQUEIXÓNO Concello de Boqueixón insta a Correos que manteña o servizo de...

O Concello de Boqueixón insta a Correos que manteña o servizo de tres carteiros durante o verán

Piden que non se reduza o número de carteiros para asegurar a calidade do servizo postal

Publicado o

Por David M. Sobrino Platas

O Concello de Boqueixón está a facer xestións con Correos e o Ministerio de Facenda e Función Pública para garantir a adecuada prestación do servizo postal no municipio durante as datas de verán. Segundo o goberno local, é imprescindible manter un equipo de tres carteiros, o mesmo número que traballa durante o resto do ano, para cubrir as necesidades das distintas parroquias da zona.

O alcalde, Ovidio Rodeiro, expresou preocupación polas queixas continuas da veciñanza sobre atrasos e problemas no servizo de Correos, especialmente durante o verán cando o persoal se reduce. “Estamos a experimentar unha merma significativa na calidade dun servizo xa de por si deficiente”, dixo Rodeiro.

O servizo de Correos en Boqueixón opera actualmente con tres carteiros desde unha oficina postal situada nunhas dependencias municipais cedidas gratuitamente polo Concello. Porén, no mes de xullo, o número de carteiros redúcese a dous e en agosto a un só carto, causando un impacto negativo no tempo de reparto e deixando sen servizo a moita correspondencia ata ben entrado setembro.

“A redución do persoal durante o verán pode provocar atrasos na entrega de documentos importantes, como recibos de impostos, afectando aos contribuíntes”, advertiu Rodeiro. Ademais, o Concello está traballando nun proxecto de numeración dixital do municipio para facilitar o traballo dos carteiros mediante a xeoreferenciación de todos os domicilios.

Deste xeito, o Concello de Boqueixón insta a Correos a adoptar medidas para mellorar o servizo durante todo o ano e, especialmente, a non reducir o número de carteiros durante o período estival, co obxectivo de garantir a calidade e eficiencia na entrega da correspondencia aos seus cidadáns.

ÚLTIMAS

O reitor da USC asegura que a redución do número mínimo de alumnos para grao e máster “está sobre a mesa”

A Universidade de Santiago de Compostela (USC) continúa en conversacións coa Xunta para abordar a continuidade do Máster...

Yossou N’Dour, primeira confirmación para os concertos do Apóstolo de 2025

O músico Yossou N'Dour actuará o 22 de xullo na Praza da Quintana, en...

Recibidas 7 alegacións á taxa turística, que volverá a pleno en xullo para a súa aprobación final

O Concello de Santiago recibiu un total de sete alegacións á ordenanza da taxa turística, que agora...

Sumar insta á Xunta a declarar Santiago como zona tensionada ante a crise de vivenda

A chegada de xullo marcou, un ano máis, o inicio dunha das etapas máis...

Carlos Núñez actuará no Pico Sacro o 30 de xullo como parte dunha campaña estival de promoción turística en Boqueixón

O Concello de Boqueixón anunciou este martes unha programación especial para o verán de...

O alcalde de Boqueixón felicita as judokas locais polos seus éxitos e anuncia tres actividades deportivas no municipio

O Concello de Boqueixón acolleu esta semana un acto de recoñecemento ás tres judokas...

Oural reivindica a forza das festas populares na LI edición da Festa das Carrozas do San Cidre

A parroquia de Oural, no concello de Boqueixón, acollerá este domingo 18 de maio...

LEAVE A REPLY

Please enter your comment!
Please enter your name here