O concelleiro no Concello de Santiago polo BNG, Iago Lestegás, cualificou o resultado da formación nacionalista de “moi positivo” nas eleccións europeas, nas que ve “outros elementos preocupantes” como o ascenso da ultradereita.
Segundo sinalou este luns antes os medios de comunicación, tras a rolda de prensa na que deu conta dos asuntos tratados na Xunta de Goberno, o resultado foi “moi positivo” tamén en Santiago, cun 21% de porcentaxe de voto, o que supón un aumento de seis puntos.
Para Lestegás hai outros elementos “preocupantes” como é o ascenso da ultradereita a nivel europeo “e todo o que implica para os colectivos máis vulnerables, para as liberdades individuais, para a emerxencia climática…”. “A situación que se presenta coa ultradereita moi forte é preocupante”, afirmou.
