InicioSOCIEDADECase 40 cociñeiros con 80 Estrelas Michelín xuntaranse en 'Estrelas no Camiño...

Case 40 cociñeiros con 80 Estrelas Michelín xuntaranse en ‘Estrelas no Camiño de Santiago’

Evento solidario con gastronomía de elite en Santiago para beneficiar á Asociación Galega do Síndrome de X Fráxil

Publicado o

Xornal de Compostela

O vindeiro 10 de xuño, Santiago de Compostela converterase no epicentro da alta cociña con ‘Estrelas no Camiño de Santiago‘, un evento solidario que contará coa participación de preto de 40 cociñeiros de renome nacional, sumando entre todos máis de 80 Estrelas Michelín. O encontro gastronómico celebrarase na Leira Casa Barqueiro en Gonte, Negreira, e ofrecerá aos asistentes un menú tipo cóctel xunto con estacións gastronómicas de showcooking, todo ambientado con música e animación.

Este evento, que chega á súa décima edición, destinará toda a recadación á Asociación Galega do Síndrome de X Fráxil. A xornada comezou cun almorzo no Hotel A Quinta da Auga, coa presenza de figuras destacadas como o presidente da Xunta, Alfonso Rueda, e o director de Turismo de Galicia, Xosé Merelles, ademais de varios representantes da asociación beneficiada.

Durante o acto, o presidente Rueda eloxiou a calidade da oferta turística de Galicia e o seu potencial para seguir crecendo, mentres que destacou o vínculo entre a gastronomía e o Camiño de Santiago como elementos clave para o éxito turístico rexional. Tamén agradeceu aos cociñeiros o seu papel de embaixadores da cociña galega a nivel mundial.

As entradas para o evento estarán dispoñibles a través de Ataquilla, e os que non poidan asistir pero desexen colaborar poderán facelo a través dunha mesa cero. Entre os chefs destacados que participarán están Martín Berasategui, Joan Roca e os irmáns Torres, ademais de outras figuras destacadas da cociña española como Pepe Vieira e Pepe Solla.

ÚLTIMAS

A recollida de aceite usado en Santiago evita a contaminación de máis de 4 millóns de litros de auga

A veciñanza de Santiago de Compostela recolleu un total de 4.040 quilos de aceite...

O Concello anuncia cortes de tráfico e cambios no bus urbano por obras de mantemento viario

O Concello de Santiago informou dunha nova quenda de obras de mantemento viario que...

Pecha o prazo do concurso internacional para a nova iluminación da contorna da Catedral con 26 propostas recibidas

O Concello de Santiago confirmou que o pasado martes 19 de agosto concluíu a...

O Concello de Ames localiza un vertedoiro ilegal de lixo nos Batáns e identifica ao responsable

O Concello de Ames detectou esta semana un vertedoiro ilegal de lixo nunha pista...

Os incendios tamén se notan no Camiño de Santiago: cinza, fume e dificultades para respirar

Fume, cinzas que caen do ceo, tramos cortados e preocupación pola volta a casa...

Vandalizan un cartel de apoio ao colectivo LGBTIQ+ en Ames e escriben ‘sida’ por encima del

Un cartel cunha mensaxe en apoio ao colectivo LGBTIQ+, situado no inicio do termo...

Galicia dá un paso clave na loita contra o cancro con protonterapia

O Consello de Seguridade Nuclear (CSN) emitiu un informe favorable para autorizar o funcionamento...