InicioECONOMÍAParalizadas as mobilizacións de UXT no aeroporto á espera dunha nova reunión

Paralizadas as mobilizacións de UXT no aeroporto á espera dunha nova reunión

A sobrecarga de traballo, segundo o sindicato, débese á "falta de persoal"

Publicado o

Xornal de Compostela

O sindicato UXT, que os pasados xoves e venres convocou unha folga no Aeroporto Rosalía de Castro de Santiago, paralizará por agora as mobilizacións á espera de manter unha nova reunión a próxima semana –posiblemente martes ou mércores– con South Europe Ground Services (SOEGS), a nova empresa que presta os servizos de rampla e pesada para Iberia.

Diso informa a organización tras reunirse este martes en Santiago, na sede do Consello Galego de Relacións Laborais, coa nova emprea despois desta folga que en dous días –16 e 17 de maio-– provocou a cancelación de máis dunha vintena de voos con saída ou destino en Lavacolla.

Roberto Rivas, de UXT, explica que os representantes de SOEGS comprometéronse a que, a partir deste mércores, se incorporan ao aeródromo compostelán sete traballadores aos servizos administrativos e un máis para a rampla. Rivas saúda esta ampliación de persoal, pero considérao “insuficiente”.

E é que a sobrecarga que motivou a folga débese, segundo denunciaba o sindicato, á “falta de persoal” en Lavacolla, un problema que se “agrava máis” polo traslado das rutas do Aeroporto de Vigo, pechado este mes de maio por obras na pista.

En calquera caso, UXT ve “boa predisposición” na nova empresa asociada a Iberia, polo que decidiu paralizar “polo momento” o calendario de mobilizacións á espera dos resultados desas negociacións.

ÚLTIMAS

Santiago inaugura a súa Feira do Libro con máis de 70 actividades e encontros literarios

Este sábado deu comezo na Alameda de Santiago a Feira do Libro de Santiago,...

O Concello lanza unha nova convocatoria de bonotaxis para mellorar a mobilidade de maiores e persoas con discapacidade

O Concello de Santiago anunciou unha nova convocatoria de bonotaxis para mellorar a mobilidade...

O PP de Santiago critica a situación dos contratos dos centros socioculturais e pide a dimisión de Xan Duro

O concelleiro do Partido Popular de Santiago, José Ramón de la Fuente, expresou de...

A concelleira de Servizos Sociais considera insuficientes as 60 vivendas protexidas que se adxudicarán en maio

A concelleira de Dereitos e Servizos Sociais de Santiago, María Rozas, manifestou a súa...

Fianza de medio millón de euros e acusación de fraude: El Correo Gallego baixo investigación por un sistema de evasión de fondos

A investigación levada a cabo polo Xulgado de Instrución número 1 de Santiago de Compostela revelou indicios...

“Fresas de Huelva”, gratis no Obradoiro para concienciar contra as que chegan de Marrocos

A segunda edición da campaña '#YoComoFresasDeHuelva' terminou este mércores na Praza do Obradoiro, en Santiago...

Expropiación forzosa para a construcción dun dos tramos do Eixo de mobilidade entre Ames e Santiago

O Diario Oficial de Galicia (DOG) recolle na súa publicación deste martes a notificación...