A secretaria xeral do PPdeG, Paula Prado, situou ao líder do Partido Popular en Santiago, Borja Verea, como “a única alternativa para que haxa un cambio real” na capital galega e afeou que os candidatos da esquerda “son todo o mesmo”.
A preguntas dos medios este venres tras reunirse coa reitora da Universidade de Santiago de Compostela (USC), Prado defendeu que Borja Verea “é a única persoa que pode ofrecer un proxecto de cidade e un proxecto serio con medidas que cambien a cidade”.
“Eu creo que calquera candidato da esquerda en Santiago, ben sexa do Bloque Nacionalista Galego (BNG), de Compostela Aberta, do PSOE ou do PSOE ‘bis’, ao final, son todo o mesmo e a única alternativa para que haxa un cambio real en Santiago é Borja Verea“, engadiu.
