Día das Letras Galegas, celebrado cada 17 de maio, é unha homenaxe á lingua e á literatura galega, así como un recoñecemento aos autores que contribuíron ao seu enriquecemento e difusión. Esta festividade, instaurada en 1963 pola Real Academia Galega, elixe cada ano a un escritor ou escritora galega cuxa obra mereza ser divulgada e recordada. O obxectivo é fomentar a lectura en galego, promover a cultura galega e honrar a traxectoria literaria e vital de figuras senlleiras da nosa literatura.

Este ano o Día das Letras Galegas está dedicado a Luísa Villalta, unha autora multifacética que destacou como poeta, narradora, ensaísta e dramaturga. Nacida na Coruña en 1957, Villalta foi tamén profesora e violinista, e a súa obra reflicte unha profunda preocupación pola identidade, a memoria e os dereitos humanos. Luísa Villalta explorou temas como a loita pola liberdade e a xustiza socia.

Dende Xornal de Compostela fixemos un vídeo homenaxeando a Luisa Villalta:

✒️ Coñeces a Luisa Villalta?
Este ano o día das Letras Galegas adícaselle á escritora galega de A Coruña que adicou a súa vida á música, á literatura é ás reinvindicacións sociais.#diadasletrasgalegas #LuisaVillalta #xornaldecompostela #galiciaconfidencial #17demaio #escritora pic.twitter.com/4PdzmTMRcW

— Xornal de Compostela (@XdeCompostela) May 16, 2024

Xa que falamos do Día das Letras Galegas, que mellor maneira de celebrar a nosa lingua que mergullándonos na literatura en galego? Así, compartimos unha serie de recomendacións de obras escritas en galego que son ideais para comezar a ler na nosa lingua:

• ‘Cobiza’ de María Reimóndez:  Esta novela de ciencia ficción feminista foi galardoada co I Premio Pinto e Maragota á diversidade sexual e de xénero. A historia, que se desenvolve nun futuro post-apocalíptico, aborda temas como a construción do sexo e do xénero, a identidade e as orientacións sexuais, cunha perspectiva feminista e ecoloxista.
• ‘Deixe a súa mensaxe despois do sinal’ de Arantza Portabales:  Unha narrativa orixinal que utiliza mensaxes de voz nun contestador automático para contar as historias de varias personaxes. Esta novela destaca pola súa creatividade e pola habilidade da autora para tecer múltiples voces e vidas nun relato conmovedor e cheo de humanidade.
• ‘Non penses nun elefante rosa’ de Antía Yañez: Con moito humor e profundidade, esta novela aborda o tema da saúde mental a través da historia de Aurora, unha moza independente que debe afrontar os desafíos da vida moderna. Un relato divertido e incisivo que reflicte as complexidades da vida dunha millennial.

Parte 1 | Feliz día das letras galegas! 📷 Deixámosche 3 recomendacións de libros en galego para comezar dunha vez por todas a ler na nosa lingua 📷
📷 Cóntanos, que libro nos faltou? Lémoste!#Xornaldecompostela #diadasletrasgalegas #17maio #lingua #galego #libros pic.twitter.com/8ZvzGYJbjG

— Xornal de Compostela (@XdeCompostela) May 17, 2024

A literatura infantil é unha marabillosa porta de entrada ao mundo da lectura para os máis pequenos. Por iso presentamos tres recomendacións de libros infantís en galego que son perfectas para fomentar o amor pola lectura desde a infancia, ao mesmo tempo que axudan a preservar e promover a nosa lingua:

• ‘Todas as cores do amor’ de Alba Castellví Miquel: Clara coñece a unha pintora estrafalaria na praza, quen lle axuda a descubrir cousas importantes sobre o amor e as relacións. Unha historia que explora a diversidade dos sentimentos e as cores do amor.
• ‘O gran libro das nosas cousas’ de Blanca Millán: Un percorrido visual e didáctico por flores, bichos, cociña, peixes e instrumentos musicais, presentado con fermosas ilustracións. Este libro é perfecto para os máis pequenos, ofrecendo máis de 600 palabras divididas en 18 áreas temáticas.
• ‘Ramona Örbita: A dona do tempo’ de Pakolas: Esta obra introduce aos nenos no mundo da música e da ciencia a través da personaxe de Ramona Örbita. Diversión e aprendizaxe, animando aos pequenos a explorar e coñecer o mundo que os rodea.

Parte 2 | e aquí tres recomendacións para os máis pequenos polo #Díadasletrasgalegas!
👀 Cal máis nos recomendas? Lémoste!#xornaldecompostela #diadasletrasgalegas #galego pic.twitter.com/bFN1AaCP9Y

— Xornal de Compostela (@XdeCompostela) May 17, 2024