O festival O Son do Camiño deu a coñecer os horarios da súa edición de 2026, que a organización define como “a máis ambiciosa da súa historia” e que xa ten a totalidade dos abonos esgotados. Nun comunicado, a organización lembrou que o festival se celebrará do 18 ao 20 de xuño en Santiago de Compostela e que quedan xa poucas prazas dispoñibles para as zonas de descanso e o glamping.
XOVES 18 DE XUÑO
O primeiro día de festival contará coa presenza de Katy Perry, Dani Martín, Leire Martínez, Carlos Ares ou The Molotovs, entre outros nomes. No escenario Xacobeo, actuarán The Molotovs, de 17.30 a 18.20 horas; Leire Martínez, de 19.20 a 20.20 horas; Dani Martín, de 21.40 a 23.10 horas; e Michenlo, de 01.00 a 02.30 horas. No escenario Estrella Galicia, será a quenda de Habló Pablo, ás 16.55 horas; Barry B, de 18.20 a 19.20 horas; Carlos Ares, de 20.20 a 21.20 horas; e Katy Perry, de 23.30 a 01.00 horas. Pola súa banda, no escenario Son Electro Repsol actuarán Aida Blanco, de 19.00 a 20.30 horas; Supergloss, de 20.30 a 22.00 horas; Bárbara Lago, de 22.00 a 23.30 horas; MCR-T, de 23.30 a 01.00 horas; DJ Gigola, de 01.00 a 02.30 horas; e Héctor Oaks, de 02.30 a 04.00 horas.
VENRES 19 DE XUÑO
O venres terá como gran reclamo a actuación de Linkin Park, ademais de nomes como Biffy Clyro, Hoobastank, Sexy Zebras, Niña Polaca ou The Bloody Beetroots DJ Set. No escenario Xacobeo, subirán ao escenario D. Valentino, de 17.25 a 18.10 horas; Niña Polaca, de 19.00 a 20.00 horas; Biffy Clyro, de 21.10 a 22.40 horas; e The Bloody Beetroots DJ Set, de 01.05 a 02.20 horas. No escenario Estrella Galicia, actuarán Corella, de 16.45 a 17.25 horas; Hoobastank, de 18.10 a 19.00 horas; Sexy Zebras, de 20.00 a 21.00 horas; e Linkin Park, de 23.00 a 01.00 horas. No escenario Son Electro Repsol, será a quenda de Caste, de 19.30 a 21.00 horas; Viviana Casanova, de 21.00 a 22.30 horas; Hoonine, de 22.30 a 23.30 horas; Honeyluv, de 23.30 a 01.00 horas; Jimi Jules, de 01.00 a 02.30 horas; e Carlita, de 02.30 a 04.00 horas.
SÁBADO 20 DE XUÑO
A última xornada contará con artistas como Lola Índigo, Sen Senra, Guitarricadelafuente, Afrojack, DJ Snake, Dorian, Ortiga ou Carlangas. No escenario Xacobeo, actuarán Sarria, de 16.35 a 17.15 horas; Carlangas, de 18.00 a 18.50 horas; Mvrk, de 20.00 a 21.00 horas; Guitarricadelafuente, de 22.20 a 23.20 horas; e Afrojack, de 00.55 a 02.25 horas. No escenario Estrella Galicia, terán lugar as actuacións de Ortiga, de 17.15 a 18.00 horas; Dorian, de 18.50 a 19.50 horas; Sen Senra, de 21.10 a 22.10 horas; Lola Índigo, de 23.30 a 01.00 horas; e DJ Snake, de 02.25 a 03.45 horas. Ademais, o escenario Son Electro Repsol acollerá os concertos de Tout Sanders, de 19.00 a 20.30 horas; Bego Martin, de 20.30 a 22.00 horas; Perel, de 22.00 a 23.30 horas; Li | Lu, de 23.30 a 01.00 horas; e Patrick Mason House Set B2B HAAi, de 01.00 a 04.00 horas.
TODAS AS EDICIÓNS CON ENTRADAS ESGOTADAS
A organización do festival subliña que, desde o seu debut en 2018, todas as edicións de O Son do Camiño esgotaron as súas entradas. O evento atraeu miles de persoas de cinco continentes e consolidou Galicia como “unha parada imprescindible no circuíto global de festivais”. A edición de 2026 chega así cun cartel de forte proxección internacional, todos os abonos vendidos e tres días de programación musical repartida entre grandes cabezas de cartel, artistas galegos, bandas estatais e electrónica ata a madrugada.
